Sopelako Munarrikolanda mendi taldeak irteera berria antolatu du asteburu honetarako, ekainaren 7an eta 8an. Oraingoan, La Llan del Bozo (2.570 metro) eta Puntal de Secus (2.514 metro) mendiak igoko dituzte, Hecho ibarrean kokatuta, Huescan. Larunbateko goizeko 6etan abiatuko da autobusa San Pedro eliza ondoan dagoen autobus geltokitik. Algortatik 6:10ean igaroko da Getxo I institutu albotik. Salneurriari dagokionez, 63 euro ordaindu beharko dituzte bazkideek eta 68 euro bazkide ez direnek (Lizara aterpean ostatu erdia barne hartzen du). Fedme txartela duten bazkideek, berriz, 7 euroko beherapena izango dute. Horrenbestez, interesatuta daudenek xehetasun eta baldintza guztiak 696 731 662 telefono zenbakira deituz galdetu ditzakete. Taldearen egoitzak honako helbidea du: Trokabide, 1. Izen emateak gaur bertan egin beharko dira 20:00etatik 21:30era. Argazkian, Munarrikolandako mendizaleek igaz Autzara (Nafarroa) egindako irteera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun