Eta ez daude bakarrik iraultza txiki eta isil honetan. Euskal Herriko familia handitzen ari da urtetik urtera; 2.500 lagun baino gehiago dabiltza antzeko proiektuetan 40 herritan baino gehiagotan, Enkarterrietan eta Iruñean, Sestaon eta Hernanin... gure lehen idazle Etxepare zenak duela 500 urte kantatutakoa betetzen, euskara plazara ateratzen.
Proiektu honi esker euskara ikasleek euren ikasketa prozesua osatzen dute, herriko beste euskaldunak ezagutzen dituzte, euskaldun zaharrek badute non eta norekin erabili, espazio berriak sortzen dira euskararentzat, euskaltegien eta euskara elkarteen harremana sendotzen da, euskaldunen komunitatea trinkotzen da eta euskaraz bizi ahal izateko helburura hurbiltzen gara.
Badakizue, beraz, ekainaren 14an, larunbata, Algortako Portu Zaharrean elkartuko gara.
Denok zaudete gonbidatuta, zuen zain gaude.
Lander Solozabal, Egizu elkarteko kidea
Lander Solozabal: "III. Mintza Eguna Getxon"
2008ko eka. 5a, 19:05
Hemen da hirugarrena. Iruñean eta Donostian egin ostean, aurten Getxon izango da Euskal Herriko Mintza Eguna. Hainbat auzo, herri, hiri eta hiriburutatik ehunka etorriko dira jai egun berezi honetara: berbalagunak, mintzalagunak... lagunak. Ondo pasatzera, elkar ezagutzera eta euskaraz hitz egitera. Getxoko Bizarra Lepoan euskara elkarteak orain dela hamar urte baino gehiago jarri zuen martxan berbalaguna proiektua; urte batzuk geroago Egizu elkartea sortu eta horrek hartu zuen lekukoa. 50 lagun hasieran, 170 gaur egun, 27 taldetan banatuta, euskara plazaratzen, txoko eta bazterretan zabaltzen. Euskaldun zaharrak eta euskaldun berriak –euskaldunak– elkarrekin, bakoitza bere mailan eta lotsa etxean utzita, euskaraz; tabernan, plazan, mendian, frontoian, kirolean, hitzaldietan, irteeretan... edonon. Argazkian, Lander Solozabal, ezkerrean, Jose Ramon Bilbao Getxoko EAren alkategaiarekin.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun