Osalan epaitegira eramatea aztertzen ari dira Tamariseseko arduradunek

Atzo jaso zuen senda agiria ostegun arratsaldean Algortako Tamarises hotelean istripua izan eta ordutik Gurutzetan ospitaleratuta zegoen langileak. Pintatzen ari zela hirugarren solairutik erori eta eskumuturra apurtu zuen R.R. 38 urteko gizonezkoak. Ukondoan mina ere badu. Haiseran, langilea hil egin zela zabaldu zuen Osalanek eta Herrizaingo Sailak baieztatu. Hori dela eta, Laneko Segurtasun eta Osasunaren Euskal Institutua epaitegira eramatea aztertzen ari dira Tamariseseko arduradunak, Europa Press albiste agentziak adierazitakoaren arabera, "emandako informazio okerrarengatik". Argazkian, iazko apirilaren 27an egindako lanuztea dela eta, LABek Algortan egindako elkarretaratzea / Koska irratia.