Imanol Landa alkateak esan du bi proiektuok "oso garrantzitsuak" izango direla udalerrirako, "lanpostuak eta aberastasuna ekarriko baitituzte". Emandako datuen arabera, 30 eta 40 lanpostu berri artean sortuko dira lehenego hiru urtetan, eta 150 izango dira ondorengo lanpostuak. Gainera, udal agintariak nabarmendu du Areetako azokaren egungo eraikina lurrera bota ondoren altxatuko den teknologia gunean, "bere jarduerarekin segitu nahi duten merkatarientzako tokia ere egongo dela, baita kultur ekitaldiak aurrera eramateko ere".
Biscaitik egitasmoa
Egitasmo "guztiz berritzailea eta bakarra" iritzi diote Microsoft etxeari lehiaketa publiko bitartez 17,4 milioi eurotan eman diotena. Bere helburuen artean daude, "herritarrei administrazioa hurbiltzea, komunikazio bide berri baten bidez, Interneten bidez, alegia". Bestalde, "Bizkaiko udalen informatika tresnak homogeneizatzea" bilatzen dute, "udal horien barne-kudeaketa eta herritarrekiko harremanak hobetzeko". Halaber, "udal administrazioan informazio eta ezagutza teknologien aplikazioari dagokionez", aipatu gunea "Bizkaiko nazioarteko erreferente bihurtzea" dute xede.
Proiektuaren lehenengo ardatza posta elektronikoko zerbitzua herritarrentzat indarrean jartzea izango da. Proiektuaren bigarren jarduera udaletarako informatika sistema bat abiaraztea da. "Horren bidez, udalek kudeaketa integraleko sistema bakarra izango dute; sistemak herritarrei aukera emango die administrazioarekin harremanetan jartzeko, etxetik irten gabe", azaldu dute foru iturriek.
Informazioaren eta Ezagutzaren Teknologien ganeko Biscaytik proiektuan aurreikusitako teknologia gunea egun Areetako udal azoka dagoen tokian jarriko dute, Bilboko foru jauregian gaur egindako prentsaurrekoan, Jose Luis Bilbao Bizkaiko ahaldun nagusiak eta Imanol Landa Getxoko alkateak iragarri dutenez. Zugatzarte etorbideko 30. zenbakian dagoen Bake Eder jauregian, berriz, zentro teknologikoa kokatuko dute. Bertan, teknologiei eta Biscaytik proiektuaren bidez abiarazitako herritarrentzako zerbitzuei buruzko ezagutza sortu eta zabalduko dute, adierazi dutenez. Horretarako, 45 milioi euro zuzenduko ditu Aldundiak: horietatik 20 milioi bere garapenerako izango dira, 15 milioi Bake-Eder jauregiko zentro teknologikoa egiteko eta beste 10 udal azokako teknologia gunerako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun