Jan-edaneko hitzorduei dagokienez, sardina-jana eta sahieski jate herrikoiak, Sagardo Festa, txokolatada edo bazkari herrikoia egingo dira jaiek irauten duten egunetan. Erromeriak, berbenak, kontzertuak, dantzak, su artifizialak, haur-jarduerak edota San Juan sua ahaztu gabe. Sukalki Lehiaketari dagokionez, izen-ematea egun berean izango da, hau da, hilaren 22an, goizeko 10:30ean udaletxeko plazan. Aurten sariak esku-dirutan emango dira (300 euro, 250 euro, 200 euro eta 100 euroko bi). Horren gaineko informazio gehiago Barrkiako Kultur Etxean edo 946 775 163 telefono zenbakian eskatu daiteke.
Egitaraua:
Ekainak 20, ostirala
18:00 Kalejira txistulariekaz.
18:30 Kontsumo baxuko esku-bonbillen banaketa (EVEren babesarekin)
20:00 Sardina jan herrikoia eta sagardo festa bertsolari eta trikitixagaz.
22:00 Erromeria Oihergi taldeagaz.
Ekainak 21, larunbata
10:00-13:00 X. Futbol 7/11 Lehiaketa Atxutegi futbol zelaian. Umeen Kategoria.
10:30 Lehenengo eta Bigarren Kategoriako Kadeteen Txirrindularitza Sari Nagusia.
11:00-14:00 / 16:00-19:00 Umeentzako parkea (jumping eta puzgarriak)
18:00 Umeen dantza eta Kung-fu Erakusketa.
19:00 Umeentzako animazioa Begira “Jira Bira” taldearekin.
20:00 Sahieski jan herrikoia Txopolis fanfarriak alaituta.
23:00 Haitzamarekin dantzaldia.
23:30 Su artifizialak futbol zelaian.
Ekainak 22, igandea
10:00 VIII. San Juan Nekazaritza eta Artisautza Azoka trikitixaz girotuta.
10:00-11:30 X. Futbol 7/11 Lehiaketa Atxutegi futbol zelaian. Aurre-benjamin eta umeen Kategoriak.
10:30 XXXII. Sukalki Lehiaketan izen ematea.
11:00-14:00 / 16:00-19:00 Txu-Txu trena eta umeentzako parkea (jumping eta puzgarriak)
12:00 Euskal dantzak plazan Getxoko Itxas Argia taldeagaz.
13:30 Nekazaritza lehiaketaren sari banaketa eta sukalki kaxolen aurkezpena epaimahaiaren aurrean.
17:30 X. San Juan Piragua Estropada.
18:00 Herri Kirolak: harrijasotzaileak (Iñaki eta Inazio Perurena) eta aizkolariak (Etxebeste eta Mugarza).
19.00 Margoketa eta sukalki lehiaketen eta piragua estropadaren sari banaketa. Umeentzako animazioa, pailaso-magoa eta jostailuen banaketa.
Ekainak 23, astelehena
20:30 Tai ji erakusketa: “Sua eta Ura”.
22:30 San Juan gaua: argi eta soinu ikuskizuna, Kull D'Sac taldearekin.
23:00 San Juan gaueko sua eta txokolatea txurroekaz, Txopolis fanfarriak alaituta.
00:30 Reagge kontzertua Golfo Norten: Ras Reguillon eta Akatz taldeak.
Ekainak 24, asteartea
San Juan eguna.
11:30 Eleizaren erlojuaren hasiera emateko kanpai-hotsak.
12:00 Meza nagusia.
13:00 Ohorezko aurreskua eta jota erakusketa.
14:30 Bazkari herrikoia plazan.
16:30-19:30 Dantzaldia plazan, Pergola taldearekin.
Ostiraletik asteartera luzatuko dira Barrikako San Juan jaiak
2008ko eka. 18a, 21:48
Bi egun baino ez dira falta Barrikako jaiak hasteko, San Juan jaiak, hain zuzen. Txistu doinuez girotutako kalejirarekin abiatuko dira ostiral honetan, arratsaldez, eta astearteko dantzaldiarekin bukatuko dira, San Juan egunean. Hainbat jarduera egingo dira Lehendakari Agirre plazan, udaletxe ondoan. Ohiko ekimenak ez dira faltako, alegia, VIII. Nekazaritza eta Artisautza Azoka edo XXXII. Sukalki Lehiaketa, igandean. Baina, berrikuntzak ere egongo dira. Horien artean aipagarriak dira kontsumo gutxiko bonbillen banaketa, ekainaren 20an 18:30ean; elizako erloju berriaren inaugurazioa, 24an 11:30ean, edo reggae kontzertua Golfo Norten, San Juan bezperan 00:30ean. Kirolak ere ez dira faltako. Ekainaren 21ean, futbol, tenis eta padeleko txapelketak egingo dira eta, horrez gain, Lehen eta Bigarren Kategoriako Kadeteen Txirrindularitza Sari Nagusia jokatuko da. Igandean, herri kirolen ikuskizuna egingo da, Iñaki eta Inazio Perurena harrijasotzaileak eta Etxebeste eta Mugarza aizkolariak bertan direla. Gainera, San Juanetako Piragua Estropada egingo da. Argazkian, Kull D'Sac antzerki taldea eskainiko du San Juan gaueko su ikuskizuna.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun