Udalerriko Sanjuanei bere ekarpena eginez, Leioako Plaza Gorriko tabernariek gustu eta estilo guztientzako musika egitarua prestatu dute datozen egunetarako. Hasteko, Madskins eta Ukabilkadak bihar, osteguna, estreinatuko dute Arantza tabernari bizkarra ematen dion oholtza. Ostiralean, berriz, txanda Los Quasar eta Amargor taldeena izango da. Larunbata, ordea, egun berezia izango da, Reggae eta Hip Hop musikari egokitutakoa eta horren ondorioz, Bilboscratch, Triple Combo eta Revolutionary Brothers txandakatuko dira Plaza Gorriko eszenatokian. Igandean, hilak 22, La Cabaña de Bixentek joko du eta gune musikalari amaiera jartzeko DJ festa izango da astelehenean, DJ OIhanek jardungo duela. kontzertu guztiak 10etan izango dira, DJ festa izan ezik. Berau goizeko 1etan hasiko da. Argazkian, Ukabilkada taldea.