Proba hau puntuagarria da, gainera, Euskadiko Padel Federazioaren egutegi ofizialarentzat. Federazio horretan, Hego Euskal Herriko jokalariez gain Errioxako, Burgoseko eta Kantabriako kideek har dezakete parte. Antolatzaileek uste dute 140 bikote inguruk hartuko duela parte, horien artean euskal jokalaririk onenak izango ei direla. Federazioak izena emateko epea asteartera arte zabalik dagoela esan duen arren, Aixerrotatik argfitu dutenez, datorren larunbatera arte, hilaren 28ra arte baino ez da zabalik egongo. Bestalde, jokalari bakoitzak ordain beharrekoa 15 eurokoa izango da.
Txapelketaren ordutegia honako hau izango da: 14:30etik 21:30era astegunetan eta 8:30etik 21:30 arte larunbat eta igandetan. Final laurdenak eta final aurrekoak larunbata 12an jokatuko dira eta finalak igandea 13an, 10:00etatik aurrera. 11:30ean jokatuko dira gizonezkoen eta emakumezkoen 1. mailako finalak.
Sariei dagokienez bestalde, egutegi ofizialekoen artean saririk handienak emango dituenetako bat izango da I Open Getxo Padel Irekia. Hain zuzen, 1.200 euro emango ditu esku-dirutan eta 3.800 euro oparitan.
Open Getxo Padel lehiaketaren I. edizioa Faduran jokatuko da uztailaren 4tik 13ra arte, Getxo Kirolak udal zerbitzuak jakinarazi duenez. Ekainean uriolek sorturiko kalteak konponduta eta Aixerrota Padel Klub elkarteak antolatuta, gizonezko eta emakumezko jokalariak lehiatuko dira 1., 2. eta 3. mailetan. Bizkaian kirol instalazio publikoetan jokatuko den lehen txapelketa ofiziala izango da, orain artean proba guztiak elkarte pribatuetan baino ez baitira egin. Getxoko Udaleko Kiroletako zinegotziak, Alvaro Gonzalezek, txapelketaren aurkezpen ekitaldian atzo aipatu zuenez, “udaletik aparteko ahalegina egin dugu, pasa den ekainaren 1eko uholdeen eraginez Faduran izandako kalteak konpondu eta kirol instalazio hauek txapelketa jokatzeko moduan izateko, udalerriko elkarte baten ekimena izanik babes eta laguntza osoa eman behar diogulako”. Argazkia: Myprofe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun