McLaughlinen kontzertuaren aurretik, Talde Lehiaketako saioa hasiko da Biotz Alai plazan, 21:30ean. Horretan, Suediako Kristian Brink Quartet talde gaztea ariko da. Taldekideek Estokolmoko Royal College of Music egin zuten bat eta 2007. urtean Young Nordic Jazz lehiaketa ospetsua irabazi zuten, beren ezaugarri nagusiak erakutsita: musika liluratzailea, estilo garbia eta erritmo aniztasuna.
Bestelakoak
19:30ean, “Hirugarren Milurtekoa”k jasoko du lekukoa Getxo Antzokia plazan. Bertan, publikoak Citricen musikaz gozatu ahal izango du. Hirukote horrek Extremadurako, Galiziako eta Euskal Herriko musikariz osatuta dago. Taldekideek Musikenen, Euskal Herriko Goi Mailako Musika Ikastegian, ezagutu zuten elkar. Proiektuak musikari bakoitzaren eragin estilistikoen inguruko beharrizanari erantzuten dio. Horien artean, besteak beste, honako artista hauek aipatu behar dira: Sonny Rollins, Kenny Garrett, Stan Getz, Wayne Shorter eta Jeff Ballard.
Ohi denez, gauerditik aurrera ere goza dezakete jazzaz zaleek Algortako The Piper’s Irish Pub, bertan, larunbatera arte, jam sessions-ak izango dira eta. Bestalde, Algortako Satistegi kafean Fernando Bárcenaren argazki erakusketan, artista ospetsuen eta talde gazteen argazkiak daude ikusgai. Azkenik, New Orleanseko To Be Continued Brass Band egunero girotzen du Algortako kaleak dixie musikaren doinu alaiez.
Gaur iluntzean, Algortan burutzen ari den Getxoko Jazzaldiaren XXXII edizioak bide erdia beteko du artista nagusietariko baten eskutik: John McLaughlin, hain zuzen ere. Gitarra-jole britainiarra genero-aurkitzaile peto-petoa da. Bere eragin nagusiak bluesa, flamenkoa, rocka eta Indiako musika dira, besteak beste. Horietatik guztietatik elementurik esanguratsuenak atera ditu, akatsik gabeko teknika erritmikoari eta zalantzan jartzerik ez dagoen birtuosismoari aplikatuz. Algortako Biotz Alai plazan jardungo da McLaughlin, 22:30etik aurrera, 4th Dimension taldeak lagunduta. Ingalaterrakoak ospe handia lortu zuen nazioartean "zehaztasun ia mekanikoa duen artikulazioaz eta abiadura harrigarriaz baliatuta" Getxoko Kultur Etxeko kideen iritziz. "Langile sutsua, musikaria debozioz ekin die hainbat musika estilori, musika indiarraren tradiziozko doinuei bereziki. Bakarka zein taldeka, etengabe ikertu ditu gitarra-jole britainiarrak musika-adierazpen berriak", azaldu dute GetxoJazzeko antolatzaileek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun