Drogaren aurkako operazioa egin dute Getxoko Kirol Portuan

Espainiako Poliziak lau lagun atxilotu ditu Getxoko Kirol Portuan egiten ari den drogaren aurkako operazio baten harira. Ikerketa astelehenean abiatu zuten itsaso zabalean, Azore uharteetatik (Portugal) gertu, droga zeraman ontzi bat atzeman eta gero, hainbat albiste agentziek adierazi dutenez. Dirudienez, ontzia Kolonbiatik zetorren eta Algortako kaira heldu behar zen egunotan. Oraindik ez dute jakitera eman atxiloketak non egin dituzten baina baliteke bertan egin izana. Ikerketari lotutako iturriak aipatuz, filtrazioak ekiditeko, ontzia itsasoan dagoela adierazi dute hedabideek. Eskifaia barruan dago atxilotua. Asteburuan iritsiko da portura, Poliziaren arabera.