Gazte Astea aste batez atzeratu du Barrikako Kultur Etxeak eta astelehen honetan hastekoa bazen ere, azkenean hilaren 14tik 18ra egingo dute. Gainera, goiz eta arratsaldez egitetik 15:30etik 19:00etarako ordutegia ezartzera pasatu dira. Udal iturriek prentsa komunikatu baten bidez eman dute aldaketen berri baino ez dute argitu ekimena zer dela eta atzeratu behar izan den. Era berean, hasieran udalerriko 12 eta 18 urte bitarteko gazteei zuzenduta egongo bazen ere orain 12 eta 16 urte bitarteko neska-mutilentzat baino ez da izango. Orain arte iragarritako jarduerak, hala nola kanoa, tirolina, surfa edo snorkela mantendu eta ekimen berriak gehituko dira. Esate baterako, arku-tiro, eskalada eta mendi ibilbideak ere egiteko aukera izango da. Berriz, Barrikako Piragua Taldeak Butroe itsasadarretik larunbat honetan egingo duen ibilaldian ez da aldaketarik egongo eta Larretxe auzoan hasiko da 10:30ean, iragarrita zegoen bezala.
Barrikako Kultur Etxeak antolatutako Gazte Astearen barruko ekimenetan parte hartzeko izen-emateak Kultur Etxean bertan edota 946 775 163 telefono zenbakira deituta egin behar dira, 10:00etatik 13:00etara.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun