ELA sindikatuaren iritziz, "aurre-akordioa ona da, aldarrikapenak %100ean lortu ez arren". Bilboko metroko beste langileek irabazten duten bera lortzea zuten helburu. Igoera horrekin, %90era heldu direla dio ELAk. "2012an bereizkeria hori amaitzea lortuko dugula espero dugu".
Bestalde, Metro BIlbao "pozik" agertu da garbikuntzako lan gatazka amaituta eta azpimarratu du "hiritarrek gizabidez jokatu dutela, oinarrizko higiene baldintzak metro-instalazioetan mantentzea ahalbidetuz". Era berean, txalotu dute langileak eta garbiketa enpresak akordio batera heldu izana, horrek bermatuko baitu "herritar guztiei kalitatezko garaio zerbitzua eskaintzea".
Metro Bilbaon garbiketa lanak egiten dituzten Uni2 eta Garbialdi enpresetako langileek bertan behera utzi dute bi astez mantendu duten greba aipatu enpresekin akordio batera iritsi ondoren. Hitzarmena atzo eskuratu zuten enpresek eta garbikuntzako greba batzordeak eta gaur aldeko botoa eman dute langileek akordioa berretsi edo ezbaian jartzeko batzarrean. Erdietsitako hitzarmenaren arabera, ia sei mila euroko igoera izango dute beharginek igoera lau urtetan banatuko dela. Horrela, aurtengo 14.487 euroko soldatatik 2011ko 20.350era pasatuko dira. Horretaz gain, garbikuntza azpikontratentzako hitzarmen propioa irekitzea lortu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun