Askatasunaren salaketa
Anjel Figeroarekin egiten ari direnak erakusten du PSOEren Espainiako Gobernuak preso politikoak suntsitzeko helburuz darabilen espetxe politikaren krudeltasuna eta mendeku gosea norainokoa den.
Aspaldi salatzen ari gara presoak hil egin nahi dituztela, muturreko baldintzetan biziaraziz: sakabanatuta, isolatuta, osasun asistentziarik gabe, eskubideak zanpatuak dituztelarik… Bereziki kezkatzen gaitu gaixotasun larriekin aurkitzen diren 14 presoen egoerak.
Espetxe politikaren PSOEko arduradunei galdera bat: Noiz arte jarraitu behar duzue espetxe politikaren “etika” hiltzaile honekin?
Egoera larri honekin amaitu behar dugu! Ezin dugu onartu preso politikoak espetxeetan hil ditzaten. euskal herritarrei dei bat luzatu nahi diegu, espetxe politikaren aurkako mobilizazioekin jarraitu dezaten.
Anjel eta gaixotasun larriekin aurkitzen diren presoak askatu orain!
Euskal presoak euskal herrira, dagozkien eskubideen jabe!
Askatasuna
Anjel Figueroa ospitaleratu dute berriz, krisialdi bortitzak jasan ondoren
2008ko uzt. 3a, 00:12
Gaixo larri eta sendaezina den Anjel Figueroa Algortako preso politiko gaztea ospitaleratu behar izan dute berriro ere bi krisialdi bortitz pairatu ondoren. Figueroa Txagorritxun dago orain baina medikuak aztertzen ari dira Gurutzetako ospitalera eramatea ala ez. Etengabe Uribe Kostako Amnistiaren Aldeko Mugimenduaren bitakorak gogoratu duenez, Figueroa orain dela aste bat atera zuten Txagorritxu ospitaletik Langraizko espetxera atzerako bidean eramateko: "ekainaren 25ean eman zioten alta medikua azkenengoz, eta azken hilabeteotan ospitaletik espetxera eta espetxetik ospitalera darabilte, gurpil ero batean. Bere askatasuna behin baino gehiagotan eskatu dute, gaixotasun larri eta sendaezina pairatzen duelako. AAMk zein Askatasunak salatu dute preso gaixoen egoera eta espetxe politikaren aurrean mobilizatzera deitu dute.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun