CCARS delakoa erakunde independentea ei da, Medikuntza, Fisika, Kimika, Biologia, Zuzenbidea eta beste jakintza adar batzuetan adituak direnek osatua eta Madrileko Complutense Unibertsitateko Fundazio Nagusiak babestua. Sortu zenetik izaera zientifiko eta teknikoko aholkularitza txostenak plazaratu eta horren gaineko ekitaldiak egin ditu, herri administrazioentzat eta herritarrentzat. “Batzordea, gaur egun, eremu elektromagnetikoen arriskuaren egungo pertzepzioaren inguruan lan egiten ari da, herritarrek arrazoi zientifikoetan oinarritutako erabaki arinak eta gardenak hartu ahal ditzaten. Horretarako informazio objetiboak, independenteak eta saio zientifikoan oinarritutakoak igortzen dituen erakundea beharrezkoa da. CCARS erakundeak hori eskaini nahi dio gizarteari”, adierazi du Hirigintza zinegotziak.
Kide berriak
Getxon sortutako lan taldeko hasierako kideak Gobernu Taldea, udal alderdi politikoen ordezkariak, Antenas Ez elkartea eta telefonia enpresetako eta Espainiako Industria, Merkataritza eta Turismo Ministerioko ordezkariak izan ziren. Orain, Espainiako Udalerri eta Probintzien Federazioko (FEMP), Eudel eta Eusko Jaurlaritzako Inguruneko Saileko kideek bat egin dute. Era berean, Eusko Jaurlaritzako Osasun Sailari sartzeko gonbidapena luzatu diote.
Telefonia antenen hedapena aztertuko dute Getxon
2008ko uzt. 3a, 22:46
Egun zein etorkizunera begira, Getxo udalerrian kokatu nahi dituzten antenen gaineko ikerlana eskatzea erabaki berri zuen, joan den ostiralean egindako batzarrean, 2007ko azken hiruhilabetean osatutako lan taldeak. “Udalerrian eskuko telefoniaren igorgailuen kokapena eta aurreikusita duten hedapena aztertzea da helburua, zerbitzua bermatzen duen proposamena egin ahal izateko eta, aldi berean, hedatze kontrolatua, orekatua eta guztien artean hitzartua lortzeko denon lasaitasunerako”, azpimarratu du Joseba Arregi Hirigintza zinegotziak. Bestalde, Irrati uhin eta Osasunaren Batzorde Aholkulari Zientifikoak (CCARS) egingo duen hurrengo biltzarrerako tokia Getxo proposatzea ere adostu zuten. “Hilabete honetan jakingo dugu erantzuna”, azaldu du Arregik. Argazkian, Imanol Landa alkatea eta Arregi bera martxoan egindako antenen gaineko mintegian.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun