Berrikuntza gisa, popularrek hauteskunde giroan sartu eta EAJren Gobernua ahalbidetzeagatik errua bota diote PSE-EEri, Udala osatu zenean "nazionalismoari aurre ez egiteagatik" eta ordutik hona PPk zentsura mozioa aurkezteko eskainitako aukera guztiak "alboratu" dituela: "PPk urte honetan hiritarren alde lan egin duen bitartean, EAJ eta PSE-EE eroso daude udalerrian, proiekturik aurrera ateratzen ez dela".
Iñaki Gamero, Eduardo Andrade eta Jesus Toca-Toñarekin batera Areetako PPren egoitzan emandako prentsaurrekoan Marisa Arruek gogoratu du urte honetan zenbat aldiz babestu duten Udal Gobernua. "Auzokideen alde" egin ahal izateko PPk bidea eman zien Begoña gaztelua eta Getxo Antzokia proiektuen HAPOren aldaketeei, funtzionarioen lan baldintzak hobetzeari, uriolek kaltetuentzako kredituak emateari zein uholdeen inguruko batzordea sortzeari, PPk eskatuta, gaur lehen aldiz batu dena eta Gobelako afera konpontzeaz gain, ekainaren 1ean ezbeharra "zergatik sortu zen jakiteko" baliatuko dutena.
Baina, PPren lana albo batera utzita Getxoko legealdiaren lehenengo urte horren oso balantze eskasa egin dute popularrek. "Gutxiengoan dagoen" Udal Gobernua "akordioetara heltzeko ez gauza" dela eta "aurrera ateratzeko proiekturik ez" duela esan du, behin eta berriro, Marisa Arruek. Bere ustez, horren adierazlerik esanguratsuena da udal aurrekontuak aurkezteko ezgaitasuna.
Etxebizitzak Getxon
Baina alde politikoari baino, garrantzi handiagoa eman dio Getxoko PPk hirigintza alderdiari. "EAJ Andra Marin LZPrekin jarraitzeko tematuta dago. Batzordean proiektua bertan behera utzi duteneko aztarnarik ez dugu ikusi. Eta ailegatu zaigun informazio baten arabera, Andra Mariko zonalde batean proiektuaren zati garrantzitsu bat eraikitzeko negoziatzen hasi dira. Gure arnastegi berdeaz kezkatuta gaude, gure auzokideez kezkatuta gaude eta auzokideak ere kezkatuta daude", azaldu du Marisa Arruek.
"Baina hau guztiau posible bada alderdi batek ahalbidetu duelako izan da: alderdi sozialista", gogoratu dute popularrek. Hauteskunde kanpaina alternatiban oinarritzea eta hauteskundeen ostean nazionalismoari aurre egiteko adorerik ez izatea eta gobernu nazionalista erraztea leporatu dizkiote PSE-EE: "ez dakit zein den nazionalismoari aurre ez egiteko duten konplexua, baina kezkatzen nau, batez ere beren burua alternatiba gisa eskaintzen duten hauteskunde autonomiko batzuen aurretik", itxi du gaia popularren zerrendaburuak.
Imanol Landaren Gobernuak "urte oso bat galdu du", PPren iritziz
2008ko uzt. 4a, 16:42
Imanol Landa Getxoko alkate jelkidea eta bere Udal Gobernuak nurte oso bat galdu egin dute udalerriko popularren iritziz. Marisa Arrue PPren eledunaren arabera, tokiko arduradunek "ez daukate negoziatzeko gaitasunik", "Udalbatzaren eskuduntzak defendatzeko" oposizioa epaitegietara jotzen "birritan" behartu dute, udal tasa eta zerga zein arautegiaren aferetan, eta Getxoko LZP eta etxebizitzen proiektuarekin "tematuta jarraitzen dute". Gainera, Udalbatzaren erabakiak baztertzea leporatu dio Udal Gobernuari. Zehazki, urte honetan Getxoko Udalbatzan onartu diren PPren 56 mozioetatik (16 PSE-EErekin batera aurkeztutakoak) alkateak 2 baino ez dituela aurrera eraman kexatu da Arrue. Betetako gaiak dendarien Gabonetako argiena eta Espainiako erregearen estatuarena izan dira, "azken hau gainera, mozioa aurkeztu baino lehen konpondu zena". Bestalde, Getxo udalerrirako proiekturik ez izatea leporatu diote Imanol Landari. PSE-EErentzat ere kritikak izan dituzte.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun