Uztailaren 14an, astelehena, honako film labur hauek eskainiko dira: "Los amantes de Estocolmo” (Edier Kadierno zuzendariarena), "Canguros” (Borja Gonzalez Santaolalla), "Chocopulpitos” (Pablo Llorens), "Cambiar el mundo” (Nacho Vigalondo), "El ataque de los kriters asesinos” (Samuel Orti Marti), "Limoncello” (Borja Cobeaga, Luis A. Berdejo eta Jorge Dorado), "Las horas muertas”, (Haritz Zubillaga), "Paseo” ( Arturo Ruiz Serrano), "El encargado” (Sergio Barrejon eta "Test” (Marta Aledo eta Natalia Mateo). Bestalde, pasa den maiatzean Erandioko Film Laburren Jaialdian ikusi ahal izan zen "Taxi?”, (Telmo Esnal) film laburra ere eskainiko dute.
Biharamunean, asteartean, film labur euskaldunei eta mutuei ailegatuko zaie txanda. Saio honetan bederatzi film ikusteko aukera izango da, haietako batzuk dagoeneko eskualdean ezagunak direla, Topaguneko Film Laburren V. Zirkuituan izanda, Berbotsek pasa den maiatzaren 6an proiektatu baitzituen. Hori da film hauen kasua: "Uso basatia” (Koldo Almandoz), "Momorro” (Asier Mendoza) eta "Itzalak” (Iñigo Kintana). Berriz, "Baten bat” (Erlantz Astorkiza) Erandioko Film Laburren Jaialdian egon zen ikusgai. Dena den, Algortan beste bost film laburren eskualde-estreinua eskainiko da: "Hezurbeltzak” (Izebene Oñederra), "Olarro” (Enero Dorronsoro); "Musika” (Asier Urbieta), "Lo bakarrik” (Iban del Campo) eta "Alabama” (Iban Ayesta).
Aurten ere, zinemazaleek Gaurik Laburrenak film laburren emanaldiez gozatu ahal izango dute. Ohi bezala, zuzendari gazteen hainbat film labur biltzen dituen ekimena Algortako Biotz-Alai plazan izango da, astelehenean eta asteartean, hots, uztailaren 14an eta 15ean. Uztailaren 14an, astelehenean, gaztelaniazko filmak proiektatuko dira eta biharamunean, asteartean, euskarazkoak. Emanaldiak 22:00etan hasiko dira eta sarrera doakoa izango da. Getxoko Kultur Etxeko kideek gogoratu dutenez, "Gaurik Laburrenak nahitaezko hitzorduak dira film laburren zaleentzako. Bertan, eskaintza interesgarri batez goza dezakete, mota ezberdinetako filmak erakutsiko direlarik. Gainera, ekimen honek paregabeko ekimena da zuzendari berriak bultzatzeko. Honen bidez, zinegile gazteek bere azken lanak aurkezteko parada dute". Argazkian, Izibene Oñederra azkoitiarra, "Hezurbeltzak" animazio esperimentaleko filmaren zuzendaria / Andresare.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun