Bestalde, bigarren saria lortu duen Flux taldeak freskotasun eta interpretatze-pertsonalitatea ditu ezaugarri nagusiak, Getxoko Kultur Etxearen aburuz. Horrezaz gain, hainbat estilo jotzeko duen erraztasunaz nabarmentzen da boskote danimarkarra eta, horri esker, bere herriko talde gazte ospetsuenetariko bat bilakatu da Flux. Taldekideek Kopenhageko Rythmic Music kontserbatorioan ezagutu zuten elkar eta, horrezkero, hainbat saio eskaini dituzte. Halaber, iaz Hoeilaarteko (Belgika) Jazzaldiaren Talde Lehiaketan hirugarren saria eskuratu zuten. Algortan gertatzen den bezala, lehiaketa horretan ere talde gazteen lana bultzatzen da.
Sariak
Talde Lehiaketaren irabazleek 3.000 euro jasoko dituzte eta CD bat grabatuko dute. Gainera, talde irabazlea gaur, jardungo da berriz Algortako Biotz Alai plazan, 21:30ean, Archie Sheppen (22:30) aurretik. Halaber, irabazleek Hoeilaart-eko (Belgika) eta Ibizako jazzaldietan parte hartuko dute, Getxoko Jazzaldiak hauekin duen lankidetza.-hitzarmena dela medio. Bestalde, bigarren saria lortu duen taldeak 1.200 euro jasoko ditu eta, bakarlaririk onena 600 euro. Publikoen sariei dagokienez, irabazleek oroitzapenezko garaikurrak jasoko dituzte.
Talde lehiaketa
Epaimahaiaren Saria
1. Saria: Kristian Brink Quartet (Suedia)
2. Saria: Flux (Danimarka)
Bakarlaririk onena: Jesper Thorn (Flux taldeko baxu-jolea)
Publikoaren Saria:
Irabazlea: Ondrej Pivec Organic Quartet (Txekiar Errepublika)
Bakarlaririk onena: Ondrej Pivec (Ondrej Pivec Organic Quarteteko organo-jolea)
Suediako Kristian Brink Quartet-ek (argazkian) irabazi du Getxoko 32. Nazioarteko Jazzaldiaren Talde Lehiaketa. Bigarren saria Flux talde danimarkarrarentzat izan da eta talde horren baxu-joleak, Jesper Thornek, eskuratu du bakarlari onenari ematen zaion saria. Publikoaren sariari dagokionez, ikus-entzuleek Ondrej Pivec Organic Quartet talde txekiarra saritu dute eta horren liderra, Ondrej Pivec organo-jolea, hautatu dute bakarlari onena. Kristian Brink Quartetek estilo eta eragin musikal anitzeko jazza interpretatzen du eta berdin-berdin jotzen dituzte melodia ederreko baladak zein erritmo indartsu, azkar eta biziak. Laukoteak soinu liluragarria dauka, ildo argikoa, erritmo eta pultsu musikal ugari eta interesgarrikoa, eta bertako kideek maisutasunez jotzen dituzte konposizio guztiak. Taldea Estokolmoko Royall College of Music eskolaren baitan sortu zen, horietako ikasleak baitziren taldekideak. Ordutik hona, jarduera interesgarria garatu du taldeak eta iaz lehenengo saria eskuratu zuten talde gazteentzako Young Nordic Jazz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun