Sei pertsona zauritu ziren atzo arratsaldean Sopelan, BI-2122 errepideko 21. kilometroan, zirkulazio istripu batean. Gainera, suhiltzaileek zaurituetako bat erreskatatu behar izan zuten, autoan harrapatuta geratu ostean. Ezbeharra arratsaldeko 2:50ak aldera jazo zen, lau ibilgailu talka batean nahasi zirenean; hiru turismo (Opel Corsa, Volkswagen Golf eta Ford Fiesta bana) eta irauli zen Nissan-L35 kamioi bat. Istripuaren ondorioz, I.R.C., kamioia gidatzen zuen 34 urteko gizon getxoztarra, harrapatuta geratu zen eta eremura bertaratu ziren suhiltzaileek erreskatatu zutenean anbulantzia batek Gurutzetako Ospitalera eraman zuen. Ospitale horretara ere eraman zituzten istripuan zauritu ziren gainerako pertsonak, haietako hiruk lesio garrantzitsuekin. Hirurak getxoztarrak dira: M.G.D., 11 urteko mutikoa, sabelean eta bularrean segurtasun-uhalak eragindako mailatuak zituena; O.D.A., mutikoaren ama, traumatismo eta bizkar hezurreko minekin; eta Y.G.M., 52 urteko andra, hainbat ebakidura eta hezurren etendura zituena.
Istripuak Sopela Barrikarekin lotzen duen errepidearen erabateko itxiera eragin zuen eta Ertzaintzak eta Sopelako Udaltzaingoak zirkulazioa Sopelako herri barrutik desbideratu zuten. Arratsaldeko bostak laurden gutxi inguruan errepidea ireki ahal izan zuten; zaurituak ospitalera eraman ostean eta garabiek ibilgailuak errepidetik kendu zituztenean. Ertzaintzak ikerketa abiatu du istripua nola gertatu zen argitzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun