Diruz lagundutako proiektuetatik 12 herrialde txiroetan garatuko dira. Horientzako 278.262 euro emango ditu Udalak. Egitasmo horien %41,67 andrazkoen gaitasunak handitzeko bideratuko dira. Halaber, Saharan gauzatu beharreko proiektuak (guztietatik %25) areagotu egingo dituzte. Hauei gehitu behar zaizkie hezkuntza, osasuna eta giza eskubideen alorrak landuko dituztenak; Guatemalan, Nikaraguan, Filipinetan, Indian eta Kongoko Errepublika Demokratikoan, besteak beste.
Sentiberatzea
“Sentiberatze eta garapenerako hezkuntza” ataleko proiektuei dagokienez, 3 izango dira diruz lagunduko dituztenak, guztira 39.588 euro emanez. Arlo honetan, udalerriko Lehen eta Bigarren Hezkuntzetako ikasleak hartzaile dituen proiektu berezi bat finantziatuko da, Giza Eskubideak jorratu eta ikasleak Hegoaldeko herrialdeetako errealitatera hurbiltzeko. Horren harira ere ospatuko da Bidezko Merkataritza Azokaren 3. edizioa, horretara 17.000 euro zuzendu direla.
Azkenik, 6 izango dira “Giza eta larrialdizko laguntzak” atalaren barruan lagunduko dituztenak 27.000 euro emanez. Konpuru horretatik, 18.000 euro pasa den urtarrilean eman zituzten Saharako IV. Euskal Karabana Solidarioa diruz laguntzeko. Gainontzeko 9.000 euroak Europa Ekialdeko 30 ume udan ekartzeko 5 proiektutara bideratuko dira.
Garapenerako Lankidetzako 23 egitasmoetarako 345.000 euro emango ditu Getxoko Udalak
Tokiko Gobernu Batzordeak guztira 344.851 euro zuzenduko ditu aurten Garapenerako Lankidetzako 23 egitasmoetara, atzo eskainitako prentsaurrekoan Begoña Ezkurra zinegotziak jakitera eman zuenez. Aurreko urteetan bezala, deialdia pertsona fisiko zein juridikoentzat egon da zabalik, hauen helburua garapenerako lankidetza izanik, hala nola, GGKE (Garapenerako Gobernuz Kanpoko Erakundeak), eliz elkarte, iraskunde eta antzekoentzat. Ezkurrak adierazi zuenez, “Gobernu taldeak garapenerako esparruan jarraituko du ekarpenak eginez eta lanean, Getxoko Udalak bereganatutako konpromisoa baita. Eta halaxe ari gara erakusten Getxotik Mundura kooperazio astea urtero egiten denez era bereiztuan finatziatzen denarekin batera, eta Euskal Fondoari emandako 54.000 eurorekin bater. Aurten gainera, dirulaguntzen deialditik kanpo, beste 12.000 euro emango dizkiegu udal lan taldea osatzen duten GKEei”. Argazkian, Begoña Ezkurra Garapenerako Lankidetza zinegotzia, aurreko prentsaurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun