Jaietan autorik ezin izango da sartu Algortako Portu Zaharrean
2008ko abu. 8a, 13:34
Festak iraun bitartean, ibilgailuak ezin izango dira sartu edo irten Algortako Portu Zaharrerako sarreratik, hau da, Ereagako hondartzatik hasita, Ola jatetxearen ondoan, udal iturriek jakinarazi dutenez Alde horretan zirkulazioa debekatuta egongo da, beraz, abuztuaren 9ko (larunbata) 11:00etatik abuztuaren 13ko (astelehena) 8:00ak arte. Soilik igaro ahal izango dira bertatik goizetan banaketa lanetan ibiliko diren ibilgailuak. Bestalde, Getxoko Udaleko Herri Babes Sailak jaiak izango diren egun horietarako dispositibo berezia prestatu du: batetik, 22:00etatik hurrengo eguneko 7:00ak bitartean osasun-postu finkoa egongo da. Bestalde, etengabe egongo dira anbulantzia bi, baina, batez ere, aipatutako ordutegian eta sokamuturra, nasa puntakoa eta antzarrak dauden bitartean. Azkenik, larrialdi taldeak Ereaga hondartzako sorospen postuan egongo dira.Emandako gomendioen artean, Portu Zaharrera hurbiltzeko autoa ez hartzeko eskatu du Getxoko Udalak, aparkatzeko arazoak egongo dira eta. Hartara, Algortara garraio publikoan hurbiltzeko eskatu dute. Gorabehera edo larrialdiren bat gertatzen bada, Getxoko Herri Babesaren Larrialdietarako telefonoa eta Udaltzaingoaren telefono zenbakia 944 660 202 dela gogoratu dute; edo bestela 112 telefono zenbakira deitzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun