Gaur hasiko dira Olinpiar Jokoak Pekinen. Bertan ariko diren Euskal Herriko 25 kirolarietatik 4k Uribe Kostan jaio edo eskualdeko kirol talderen batean ibiliak dira. Horrenbestez, 1984. urtean jaiotako Barbara Malda eta Maria Lopez Egilaz getxoztarrek eta Rocio Ibarra bilbotarrak Espainiako belar-hockey selekzioan lortu dute lekua. Abuztuaren 10 eta 22a izango dituzte lehiaketa egunak eta hirurak Neguriko Jolaseta hockey klubean ibiliak dira. 1978ko apirilaren 7an Portugaleten jaiotako Leire Iglesias, berriz, Getxo Judo Taldeko kidea da, azkenaldian Alacanten (Herrialde Katalanak) entrenatu arren. Abuztuaren 13an lehiatuko da 70 kiloz azpikoen kategorian. Malda, Ibarra eta Iglesiasek bigarren aldia dute Olinpiar Jokoetan. Lopez Egilazek, ordea, aurten izango du estreinaldia. Argazkian, Leire Iglesiasek zilarrezko domina eskuratu zuen Europako txapelketan, apirilaren 12an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun