![](http://farm2.static.flickr.com/1190/845211222_9c867d181d_m.jpg)
Getxoko Kultur Etxeko liburutegietan eta ikasgeletan ordutegiak luzatuko dituzte irailaren 14ra arte, astelehenetik ostiralera, iraileko azterketen aldia dela eta. Halaber, larunbatetan eta igandeetan ere zabalduko dira, eta guztira, gazte getxoztarrek ikasteko 350 leku baino gehiago izango dituzte. Horrez gain, J.B. Zabala eta Romo ikastetxeek eta Getxo I Institutuak ere zenbait ikasgela eskainiko dituzte abuztuaren 18tik irailaren 12ra. Atzo hasita eta irailaren 14ra arte, Villamonteko liburutegiak, Algortan, eta Itzubaltzeta / Romoko Santa Eugenia plazako ikasgelek 170 ikas-leku eskainiko dituzte eta horien ordutegia luzatu egingo da asteburuetan. Horrela, bada, larunbatean goizez eta arratsaldez egongo dira zabalik. Igandean, berriz, Villamonteko liburutegia 16:15etik 20:00etara zabalduko da, eta Santa Eugeniako ikasgelak, 16:00etatik 20:00etara. Argazkian, lau hormen artean ikasi nahi duenak aukera izango badu ere, oraindik orain beste era batez ikastea nahiago dutenak badaude,
Ikasle Abertzaleek iaz antolatutako Eskola Ibiltarian parte hartu zuten neska hauek bezala /
Theklan.