Getxoko Udala atsekabetuta agertu da Marokon hildako hiru neska algortarrengatik

Getxoko Udalak "bere atsekabe sakona" adierazi zuen, atzo kaleratutako prentsa oharraren bitartez, astelehenean Marokon izandako trafiko istripuan Algortako bi bizilagunek heriotza aurkitu eta hirugarren bat zaurituta gertatu zelako. Halaber, "hain gatz eta mingarriak diren une hauetan familiaren intimitatearekiko erabateko errespetua" aitortu zuen, tokiko erakundeak. Azkenik, Udalak "babes eta laguntza osoa" agertu zien familiei, "nahi duten guztirako". Essauira eta Safi artean 58 kilometro eginda zituztela, "autoa errepidetik irten, bazterbidea zapaldu, irristatu eta, ibilbidera bueltatzen ahalegintzen ari zirela, kotxeak aldarokak egiten hasi eta, azkenik, irauli egin zen", Agadirren Espainiako kontsula Jose Pintorrek azaldutakoaren arabera. Ondorioz, 31 urteko E.T. eta E. B. neska algortarrak hil eta 32 urteko G. B. beste emakumea arin zauritu zen. Hildako bi nesken gorpuak Essauirako erietxean dituzte, baina Espainiako Kontsulatuak hasiak ditu jada hilotzak Euskal Herrira ekartzeko tramiteak. Argazkian, udaletxea.