Bihar hasi eta asteazkenera arte luzatuko San Antolin jaietarako, ekitaldi ugari antolatu ditu Plentziako ezker abertzaleak. Besteak beste, ostiral honetan bertan, enkartelada egingo dute Kristo baselizan, 18:00etan, "Euskal presoak Euskal Herrira!" lemapean. Bi egun barru, berriz, "Euskal Herrian demokrazia zero!" hartuko dute goiburutzat, mobilizazioa egiteko. Igandeko enkartelada 13:00etan egingo da, Astillero plazan. Ondoren, 15:00etan, herri bazkaria (txartelak salgai daude ohiko lekuan) izango da txosnetan eta, bazkal ostean, euskal preso politikoei egingo zaie omenaldia. Irailaren 1ean, astelehenarekin, nekazal azoka solidarioak hartuko ditu Astillero inguruak. Azkenik, hilaren 2an, 12:00etatik aurrera koktelak izango dira Erribera kalean. Argazkian, orain hilabete batzuk Plentzian egindako mobilizazioa / Askatu.org.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun