Astelehenetik larunbatera tailerrak eta zinema emanaldia izango dituzte txikiek Sopelan

Astelehen honetan, irailak 1, hasiera emango zaie Sopelako Udalak haurrentzat antolatutako tailer egitarauari. Lehenengo jarduera liburutegi ibiltaria izango da. Bertan, neska-mutilek euskarazko literatura eta aldizkariak irakurtzeko aukera izango dute bi adin tarteetan banatuta: 6 urtetik beherako umeak eta 6 eta 14 urte artekoak, hurrenez hurren. Astertean, hilak 2, birziklapen tailerra izango dute txikiek. Hainbat objektu berrerabiliz, baliagarriak izan daitezekeen jostailuak eta mozorroak egiteko aukera izango dute. Asteazkenean, zirku tailerran artista sentituko dira haurrek: malabarrak, hankapaluak, mazak, tranpolinak, jauzilariak... probatuko dituzte. Bestalde, ostegunean, talo tailerra egingo dute eta ostiralean, herri kirol tailerra. Azkenik, hilaren 6an, larunbatarekin, "Mixina" pelikula ikusteko aukera edukiko dute haurrek. Tailerrak 17:30ean izango dira eta zinema emanaldia 21:30etan. Jarduerak Sopelako udaletxe aurrean egingo dira (euria egitekotan pilotalekuan). Argazkian, hainbat ume liburuak irakurtzen Euskararen Astean.