Asteburu honetan ere zabalduko dute Astrabuduako ikasketa aretoa
2008ko ira. 1a, 22:59
Aurreko asteburuan bezala, irailaren 6an eta 7an Astrabuduako Josu Murueta kultur etxeko ikasketa aretoa zabalik egongo da, 9:00etatik 14:00etara, goizez, eta 16:00etatik 21:00etara, arratsaldez. Bitartean, Leioa eta Erandioko campusean ere unibertsitateko ikasleek azterketa garaia osoan zehar probak prestatzeko leku egokia izan dezaten, irailaren 14ra arte hainbat gela egongo dira zabalik. EHUk jakinarazi duenez, zabalduko diren zentroak Gizarte eta Komunikazio Zientzien Fakultateko ikasgelategia eta liburutegi nagusia izango dira. Zentro horiek ordutegi honen arabera zabalduko dira: goizeko 9etatik 13:00etara liburutegia erabili ahal izango da eta ordu horretatik aurrera, 19:30ak arte, fakultatea. Bilbon ere, Sarrikoko Ekonomia eta Enpresa Zientzien Fakultateko eraikin nagusiko beheko solairuko gelak eta Ingeniaritza Eskolako ikasgelak irekiko dira. Bestalde, Getxo udalerriko liburutegiek eta ikasgelek azterketen garaira moldatu dituzte ordutegiak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun