Getxo Antzokiko saioei dagokienez, aurten honako lan hauek eskainiko dira bertan: Maskaradaren "Ohean" (urriaren 10ean), Adosen "El jefe de todo esto" (urriaren 11n), Agerre Teatroaren "Secando charcos" (urriaren 17an) eta Kunkaren "Sexo gratis".Emanaldiak 20:00etan hasiko dira eta sarrerak 9 eurotan jarriko dira salgai (7 euro jubilatuentzat edota Gazte Txartela aurkeztuta).
Bestalde, Andrés Isasi Musika Eskolako saioak 18:00etan izango dira eta sarrerak 2 eurotan jarriko dira salgai. Aurten, gaztetxoek honako lan hauez gozatu ahal izango dute: "A través de Africa" (urriaren 11n), "Zorionak zuri" (urriaren 12an), "Harritzeko ipuinak: Tartalo eta sorgina" (urriaren 18an) eta "Andersen, el patito feo" (urriaren 19an).
Azkenik, doako muntaiak Algortako Telletxe plazan izango dira. Aurtengo egitarauak haurrentzako antzerki, txotxongilo eta pailazo ikuskizunak (13:00ean); Simulacro talde getxoztarraren "Con el bulto a la espalda" lana (urriaren 9an, 19:30ean) eta Organiken helduentzako "Malditas" ikuskizuna (urriaren 17an, 20:00etan).
Getxoko Antzerki Jardunaldietarako sarrerak bihar jarriko dituzte salgai
2008ko ira. 2a, 19:26
Getxoko Antzerki Jardunaldietarako sarrera salmenta hasiko da bihar, hilak 3. Saioak urriaren 9tik 19ra izango dira aurten eta, ohi bezala, Algortako Getxo Antzokian helduentzako antzezlanak eskainiko dira eta, Areetako Andres Isasi Musika Eskolan, haurrentzakoak. Horiek guztiak ordaintzekoak izango dira, baina doakoak ere egingo dira Algortako Telletxe plazan. Bertan, haurrentzako lanak, adin guztientzako ikuskizuna eta helduentzako saio bat izango dira. Sarrerak Algortako Kultur Etxean (Villamonte, A-8), BBKren orotarako kutxazainetan, www.bbk.es webgunean, eta 944 310 310 zein 944 914 080 telefono zenbakien bidez erosi ahal izango dira. Argazkian, Maskaradaren "Ohean" antzezlanaren irudi bat.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun