Aurreko eguneko martxa dela eta, igandea lasaiago aurkezten da. Goizean, ohiko txistularien kalejira egingo dute. 11:00etan, berriz, meza eta Leioako kirol klubei lore eskaintza, ohorezko aurreskuarekin. 19:00ak aldera, XLVIII. Bizkaiko Aurresku Txapelketa ospatuko da. Hori dela eta, Ondizen lagun ugari batzea espero dute antolatzaileek, lurraldeko dantzari onenak ikusteko asmoz. Asteleheneko Andra Mari egunean ere meza egingo dute, 12.00etan baina. Ohorezko aurreskuaren ostean, berriz, nagusientzako luntxa izango da Mendibaiarte otxoteak girotuta. Eguna amaitzeko, 19:00etan playback lehiaketari hasiera emango zaio. Asteartea ere egun lasaia izango da, ohiko txistularien kalejira eta mezarekin. Arratsaldean idi probak ere egingo dituzte.
Errepikapena
Hala ere, ez pentsa hilaren 9ko Andra Maritxu egunarekin bukatuko direnik jaiak. Irailaren 14an, igandearekin, berriro helduko diete ospakizunei, behar bezalako agurra egiteko. Gauzak horrela, goizeko 8etan izango da bizkaitar erako bakailao txapelketaren lursailen zozketa. Ondoren, txistularien txanda helduko da eta 11:30ean herri kirolena. Eguerdian, 13:00ak inguruan, Leioako Musika Bandak eskainiko du saioa eta ordu eta erdi beranduago bakailao lapikoak aurkeztu beharko dira. Bazkaldu eta gero, igel-toka txapelketa (16:00) egin eta 18:30etik aurrera Jo ta Hanka taldeak dantzan jarriko ditu bertan bildutakoak. Azkenik, 19:30ean bakailao txapelketaren sari banaketa izango da eta 22:00ak arte dantzaldiarekin jarraituko dute, aurtengo Ondizko jaiei amaiera emanez.
Egitaraua:
Irailak 5, ostirala
17:30 Txupinazoa. Haurrentzako jolasak: tailerrak, puzgarriak eta ludoteka.
20:00 Mozorro gaua.
23:30 Kontzertua: Travellig Brothers eta Triki Trake.
Irailak 6, larunbata
10:00 Txistularien kalejira.
19:00 Euskal dantzak.
20:30 Sardina jana.
23:30 Kintzertua: Koma eta Basaki.
Irailak 7, igandea
10:00 Txistularien kalejira.
12:00 Meza eta Leioako kirol klubei lore eskaintza. Ohorezko aurreskua.
19:00 XLVIII Bizkaiko Aurresku txapelketa.
Irailak 8, astelehena (Andra Mari)
10:00 Txistularien kalejira.
12:00 Meza eta ohorezko aurreskua.
13:00 Nagusientzako luntxa. Musika saioa: Mendibaiarte otxotea.
19:00 Play-back txapelketa.
Irailak 9, asteartea (Andra Maritxu)
10:00 Txistularien kalejira.
12:00 Meza.
18:00 Idi probak.
Jaien bukaera.
Irailak 14, igandea (errepikapena)
08:00 Makailao (bizkaitar erara) txapelketa. Lursailen zozketa.
10:00 Txistularien kalejira.
11:30 Herri kirolak.
13:00 Leioako Musika Banda.
14:30 Makailao lapikoen aurkezpena.
16:00 Igel toka txapelketa.
18:30 Erromeria: J O Ta Hanka.
22:00 Jaien amaiera.
Iraileko errutinari eusteko aukera paregabea izango dugu ostiral honetatik aurrera Ondizko jaietan. Horretarako, hilaren 14ra bitartean jai egitarau potoloa prestatu dute aurtengo antolatzaileek non musika, herri kirolak, lehiaketak eta dantzak ez dira faltan izango. Etzi, ohiko txupinazoarekin hasiko dira jaiak, 17:30ean. Ondoren umeentzako bereziki antolatutako hainbat ekintza izango dira: puzgarriak, ludoteka eta tailerrak, besteak beste. Iluntze aldera, 20:00ak inguruan, mozorroen gaua hasiko da. Horrenbestez, koloreak eta giro ezinhobea izango dira Travelling Brothers eta Trika Trake musika taldeei harrera egiteko, 23.30ean. Hala ere, kontzerturik potoloena larunbatean izango da, Basaki eta Koma taldeen eskutik. Aurretik, txistularien kalejira (10:00), euskal dantzak (19:00) eta sardina jana (20:30) izango dituzte Ondizen bildutakoek. Argazkian, euskal dantzak, 2007ko Txitxiburruntxi egunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun