Carlotta Ortuzar urruñarraren erailketa salatu dute hainbat gizon-emakumek Algortan

"Emakumeen kontrako indarkeriari aurre egin" irakur zitekeen pankartaren inguratuz, hogei bat gizon-emakumek bat egin dute Bilgune Feministak arratsaldeko 7:30erako Algortako Telletxen plazan deitutako elkarretaratzearekin. Horren bidez, Carlotta Ortuzarren erailketa salatu nahi izan dute algortarrek. Urruñarra bere etxean aurkitu zuten hilda astelehenean, hilak 1, senarrarekin batera. Frantziako Poliziak egindako ikerketen arabera, senarrak emaztea hil, eta gero bere buruaz beste egin zuen. Ortuzar Euskal Herrian aurten genero indarkeriak hildako laugarren emakumea da. Lehena, urtarrilean Tatiele de Sousa izan zen, Iruñean. Atzetik, Nagore Laffage eta Estibalitz Angulo hil zituzten, lehena Orondritzen (Nafarroa) agertu zen eta bigarrena Mañuetan (Araba). Argazkian, gaurko kontzentrazioa. Argazki gehiago ikusteko sakatu hemen.