Lagun talde bat eta musikarekiko grina. Hori izan zen 2005ean Qui Hi Ha? musika taldearen abiapuntua. Hala ere, kide guztiak beste talde batzuetan egon ziren aurretik. Irlandar sustraia duen musika zeltari beste ikuspegi bat eman nahi diote, Mediterraneoko kutsua gehitzen diote, psikodelikoagoa eta egungoa. Hasieratik uste izan dute zuzenekoa aurkezpenik onena zela, eta horretan indartsu batzen dute abesti propioak eta oinarri zelta duten bertsioak. Azkenik, folk esperimental taldea da Calima eta ekialde eta mendebaldearen arteko zubia izan du eta, horretarako, munduko edozein aldeko erritmoak uztartzen ditu. Filosofia hori bere taldekideen nahaste kulturalaren isla dira; izan ere, Venezuelako, Kubako, Bulgariako eta Kataluniako musikariak jarduten dira taldean. Bere ikuskizunetan leku guztietako doinu erakutsi eta hainbat sentsazio eragin nahi dute publikoan eta, horretarako musika eta dantza uztartzen dituzte. “Azul” bere lehenengo diskoarekin taldea Grammy Latino sarietarako izendatuak izatea lortu zuten.
Bestelako jarduerak
Musika saioez gain, kaleko banden desfileak ere egongo dira jaialdian. Aurten, Frantziako Bagad Men Glaz eta Eskoziako Reading Pipe Band taldeak arituko dira. Hurrengo egunetan, beste zenbait talde gehituko zaizkie. Azkenik, beste zenbait jarduera ere egongo dira jaialdian: Bidezko Azoka (Itzubaltzetako Ibaiondo kalean), Munduko Azoka eta Kulturen Gunea (Areetako Xake plazan).
Afrikako doinuak izango dira bihar Getxo Folken
2008ko ira. 5a, 19:52
Larunbat honetan, irailak 6, Getxoko Folk Jaialdiak egitarau anitza eskainiko du. Ismael Lo musikari senegaldarra arituko da saio nagusian, Areetako Xake plazan, 21:30etik aurrera, Afrikako erritmoak eskainiz. Afrikako Bob Dylan deitua, Senegaleko herriko telebistan hasi zuen bere musika jarduera Lok, ahotsa, soka bat besterik ez zeukan gitarra eta armonikarekin. Handik urte batzuetara Super Diamono taldean sartu zen, bere herriko talde ospetsuenetariko bat, hain zuzen. Horren ondoren bakarka jardutea erabaki zuen eta, harrezkeroztik Afrikako musika, soula, rythm&bluesa eta beste hainbat estilo menperatzen duen jendea izan du beti inguruan. Bere abestien hitzetan musikari senegaldarrak demokraziari buruzko gogoetak eta aldez aurretik adostutako ezkontzak jorratzen ditu, besteak beste. Halaber, bere sustraiak eta guden biktimak omendu egiten ditu eta pasadizoez eta ametsez dihardu. Lori 90eko hamarkadan heldu zitzaion arrakasta nazioartean Tajabone baladarekin, neurri batean, abestia Pedro Almodovarren “Todo sobre mi madre” pelikularen soinu-bandan sartu zutelako. Senegaldarraren aurretik, Kataluniako Qui Hi Ha? taldea izango da Itzubaltzeta / Romoko Santa Eugenia plazako agertokian, 19:00etatik aurrera. Bertan ere, Venezuelako, Kubako, Bulgariako eta Kataluniako musikariak biltzen dituen Calima taldeak amaiera emango dio 23:15ean, eguneko azken saioan. Argazkian, Ismael Lo.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun