Ez Jaun Ez Jabek zabaldu duenez, "Amadeuren osasun egoera gero eta larriagoa da, baina, hala eta guztiz, berak gogor eta tinko dabil hartutako erabakiarekin". Dagoeneko 30 kilo galdu ditu. Presoaren aldeko manifestua izenpetu dute eskualdeko hainbat kolektibok, tartean Itzubaltzeta gaztetxea, Ez Jaun Ez Jabe eta Sare Antifaxistak.
Gose greban 75 egun daramatzan preso baten aldeko elkarretaratzera joatera deitu du Ez Jaun Ez Jabek
2008ko ira. 5a, 21:31
Gose greban 75 egun daramatzan Amadeu Casellas preso politiko anarkistaren askatasuna aldarrikatzeko elkarretaratzera deitu du Ez Jaun Ez Jabe Uribe Kostako talde libertarioak. Hainbat pertsonek antolatutako Casellas eta preso ororen aldeko mobilizazioa bihar, larunbata, arratsaldeko 18:00etan egingo da Bilboko Plaza Biribilean, Abandoko metro geltokiaren ondoan. Casellasek bizitza erdia baino gehiago egin du kartzelan, izan ere, 22 urte daramatza espetxeratuta "70. eta 80. hamarkadetan bankuak desjabetzeagatik, langile borroka finantzatzeko asmoz", talde libertariotik jakinarazi dutenez. Dagoeneko presoak ezarri zioten zigorraren hiru laurdenak bete zituen 2006an eta hainbat gose greba egin ondoren Espainiako Espetxe Zuzendaritza Nagusiak bete ez duen akordioa eskaini ziola diote Casellasen aldekoek. Horren aurrean, eta epaitegiek bere salaketa baztertu zutela, 3. gradua edo baldintzapeko askatasuna lortu arteko gose greba abiatu zuen Amadeu Casellasek pasa den ekainaren 23an. Argazkian, andra bat eta ume bat Casellasen egoeraz jabetzen, Bilbon / Indymedia Euskal Herria.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun