"Buena Vista Social Club” proiektuaren eskutik nazioarteko arrakasta lortu zuen Ochoak. Proiektu hori ospe handiko eta izen bereko disko eta Winm Wendersek zuzendutako dokumental batean garatu zen. Horretan izen handiko artistek parte hartu zuten: Compay Segundo, Ibrahim Ferrer, Rubén Gonzalez, Omara Portuondo, Cachaito Lopez, Amadito Valdes eta Pio Leiva, besteak beste. Kamerungo Manu Dibango artistaren “Cubafrica” diskoan parte hartu zuen eta, horren eskutik, Ochoaren eta berea laukotearen nazioarteko ospea indartu zen. Gaur egun, Kubako musikaria sonero handia eta bere belaunaldiko gitarra-jole errespetatua omen da.
Bestalde, Xabi Aburruzaga (Portugalete, 1978) oso gazte hasi zen akordeoia jotzen eta, ondoren trikitiarekin hasi zen. Irkus Ansotegi pandero-jolearekin batera Bizkaiko panoramaren bikote gogotsuenetariko bat osatu zuen. Tradiziozko euskal musika beste hainbat estilorekin uztartzen ditu Aburruzagak eta, bere jardueran zehar, hainbat artista eta talderekin jardun da: Mikel Urdangarin, Joseba Tapia, Roberto Moso eta Oreka Tx, besteak beste. 2002. urtean bere trikitixa eskola sortu zuen, Trikileku, eta 2007an "Bizkaiko trikitixa" diskoa kaleratu zuen.
Bestelako jarduerak
Gaur arratsaldean azken aukera izango dute bisitariek zenbait herritako kaleko banden desfileez gozatzeko. Ohi bezala, Getxoko kaleak alaitu eta jaia giroa zabalduko dituzte talde horiek. Era berean, Merkataritza Bidezko Azoka (Ibaiondo kalea), GKErekin laguntzaz antolatutakoa, Munduko Azoka (Areetako Xake plaza ), Munduko Terraza (Santa Eugenia plaza) eta Kulturen Gunea (Areetako Xake plaza) amaituko dira.
Getxo Folk jaialdiak bere azken egunera heldu eta agur esango du, datorren urtera arte, iluntzeko kontzertuekin. Eguneko saio nagusian Eliades Ochoa musikari kubatarra (argazkian) jardungo da Areetako Xake plazako agertokian, 20:00etan. Aurreko saioan, Itzubaltzeta / Romoko Santa Eugenia plazan, Xabi Aburruzaga trikitilaria arituko da 18:00etatik aurrera. Goizean berriz, haurrentzako jarduerak beren amaierara heldu dira Ukteste elkarteak Santa Eugenian antolatutako txalaparta tailerra dela medio. Haurra zela abiatu zen musikaren mundura Eliades Ochoa (Loma de la Avispa, 1946). Kubako Santiagoko auzoetan jotzen eman zituen lehenengo urratsak. 1963. urtean irratian lan egiten hasi zen eta, ordurako, Kuba osoko kaleetan entzunda zeuden bere kantak. Horren ondoren hainbat talde sortu zituen, esaterako, Quinteto Oriente, Septeto Típico eta Cuarteto Patria (azken horretan zuzendari, abeslari eta gitarra-jole aritu zen). Bere gitarra harmonikoa, tresaren eta ohiko gitarraren soinuak har ditzakeena, musikari horren ezaugarri nagusienetariko bat da. Ochoaren beste ezaugarrietako bat txano guajiroa da, bere musikaren nekazal espiritua adierazten duena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun