Ostiraleko 15:30ean Tinako jaitsierarekin hasiko da asteburuko egitaraua. 18:00etan auzoko txikiek hainbat jolasez gozatu ahal izango dute. Ordu bete beranduago Gure Ohiturak dantza taldeak euskal dantzen erakustaldia eskainiko du, eta ondoren txokolatada herrikoiaren txanda izango da. Gau partean, 22:00etatik aurrera musika izango da nagusi Udondon, Esne Beltza eta No Drama taldeen eskutik. Ordu txikietan barrena, Luhartz erromeria taldeak izango du taula gainetik neska-mutilak mugiarazteko ardura.
Larunbatean ezin erritmoa eutsi
Azkenik, jaiekin amaitzeko, larunbata ekintzez beteta izango da. Goizeko 10:00etan Udondoko VII. Nekazaritza Azoka irekiko da, eta txikienek eguerdiko 12:00etan haur antzerkiaz gozatzeko aukera izango dute Kuko, Truko eta Bolenwaider pailazoekin. Bitartean, nagusiek euskal triki poteoa hasteko prest izango dira 13:30ean, eta bestelako musikaz gozatu nahi dutenek Leioako Musika Bandaren emanaldia izango dute entzungai ordu berean. Eguerdiko 14:30ean herri bazkaria hasiko da eta ordu bat beranduago, Udondo Errekako VI. Arrantza Txapelketari hasiera emango diote, sari emanaldia 18:00etan burutuko dela. Arratsalde aldera herri kirolen txanda izango da, aizkolarien Bizkaiko Openeko final aurrekoak ospatuko direlarik, Leioako Harrijasotzaile Eskolak antolatuta. Jaien azken txanpari aurre egiteko koadrilen arteko probak izango dira txosnetan 22:30etik aurrera, eta gauerditik aurrera Lotxo erromeriaren musikarekin amaituko dira aurtengo Udondoko jaiak.
Ondizko jaien errepikapena salbuespena dela, bihar Leioak bere azken auzo jaiei ongi etorria emango die, Udondo auzoan. Asteazkenean, Tolentinoko Nikolas Deunaren eguna, goiztiar hasiko da jai giroa, 11etako txupina dela medio. Ondoren, ohiko txistularien kalejira izango da, horren ostean meza nagusia Ondizko baselizan egiteko. Amaitu ostean, ordubata aldera, ohorezko aurreskua eta ikurrinaren igoera izango dira. Goizari amaiera emateko Udondoko nagusiek luntxa dastatzeko aukera izango dute. Arratsaldean berriz, 8etan, Los Txikis musika taldea izango da giroa alaitzen. Ostegunean atsedenaldia hartuko dute udondoztarrek baina ostiralean eguerdi aldera bueltatuko da jaia. Handik aurrera gurpil zoroa ez da geldituko hamaika jarduera eta Esne Beltza, No Drama, Luhartz eta Lotxoren kontzertuei esker. Argazkian, Esne Beltzako musikariak / (cc) Saioa Cabañas.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun