"Getxo"ko DVDa Sagar 27 bideo produktorak sei kamera erabiliz egin zuen grabaketaren emaitza izango da. Audioa, berriz, Cesar Ibarretxe teknikariak zuzendu zuen eta mahaian Jean Phocas teknikaria egon zen. Guztira 23 abesti izango ditu DVDak eta bertan agertuko dira kontzertuan parte hartu zuten musikari gonbidatuak: Jorge Arribas (La Musgaña), Faltriqueira taldea, Susane Seivane, Maia anaiak (dantzariak), Mikel Urdangarin eta Xabi (Obrint Pas).
Getxon onak eta Malagan onenak
Korrontzi taldeak 3.000 ikus-entzule batu zituen Getxo Folk Jaialdian baina mundu zabalera hedatuko ditu Getxoren izena eta bere folk doinuak, triki soinuak eta munduko musikak. Taldeak Euskal Herriko folk nortasuna markatzen duen triki soinuekin munduari begiratuko dio aurrez aurre "Getxo" lan berri horrekin. Korrontzi taldeak herriko eta folk erritmoen soinu alaiak, dantzagarriak, jostalariak eta iradokitzaileak batu ditu eta une bereziak, beroak eta pasionalak tartekatu ditu diskoan. Triki soinuak emozioz beterik utzi zuen Getxo Folk Jaialdia eta hori diskoan nabaria izango da.
Bestalde, Getxora abiatu baino lehen, abuztuaren bukaeran, Korrontzi taldeak Espainiar Estatuari eta Europari begira beste maila bat igo zuen. Malagan Eurofolk Jaialdi-Lehiaketan izan zen eta lehen saria jaso zuen. Europako hainbat talde izan zituen lehiakide eta oso maila ona eman zuen Korrontzi taldeak.
Getxo Folk Jaialdiko bideoz hornituta Korrontziren "Getxo" DVDak 23 abesti izango ditu
2008ko ira. 10a, 16:25
Pasa den ostegunean, irailak 4, Areetan eman zuen Getxo Folk barneko kontzertua "arrakasta itzela eta handia" izan zela baloratu du Korrontzi taldeak. Gainera, ohar baten bidez taldeak gogoratu duenez, bertan aprobetxatu zuten "Getxo" izena izango duen euren bigarren diskoa grabatzeko eta horrek izugarrizko lanak ekarri zizkion taldeari. Dena den, Baga-Biga ekoiztetxeari eta Getxoko Kultur Etxeari esker, "emaitza oso txukuna izango dela aurrera daiteke", Korrontziren hitzetan. 3.000 ikus-entzule batu ziren Areetan Korrontzi ikusteko eta haietako askok beren burua ikusi ahal izango dute 23 abesti izango duen "Getxo" disko bikoitzean. Alde batetik, DVD batean Korrontzi taldearen, gonbidatuen eta publikoaren irudiekin kontzertu osoa sartuko da. Beste aldetik audioko Cda izango da. Argazkian, Korrontziren kideak eta hainbat gonbidatu Getxo Folken emandako kontzertua bukatzean / Francisco Diaz.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun