![](http://farm4.static.flickr.com/3267/2542135416_be36ac2695_m.jpg)
Euskalmet eta Herrizaingo Sailak euri gogorrak etor daitezkeelakoan zabaldutako
alerten aurrean Gobela ibaiaren inguruko auzokideak urduri jarri egin dira ekainaren 1eko eta 8ko uholdeak errepikatzeko aukera dagoelako. Horrela, ohar baten bidez Gobelako ubideak egun duen "egoera penagarria" salatu egin du Gobela ibaiak kaltetutakoen elkarteak. Elkarteak Getxoko Udalari, Bizkaiko Foru Aldundiari eta Eusko Jaurlaritzari leporatu die "hondamendia errepikatuz gero gerta litekeenaren ardura". Izan ere ereakunde horiek beraien eginbeharrei muzin egin dietela salatu dute: "gaur egun ez da ezertxo ere egin Gobela ibaia gu guztioi eragiten digun arriskua murrizteko". Auzokideek salatu dutenagatik ibaia "landareek itxita" aurkitzen da eta hortaz ez dute baztertzen euriteak egonez gero uriolak errepikatzea. Argazkian, ekainaren 1eko uholdeen irudi bat.