Hortaz, Foru Aldundiak errenta neurri ezberdinen arteko ezberdintasunik egiten ez duten salneurriak mantendu edo murriztetik urrun, inflazioarekin bat igotzea proposatu du garraiobidea orokorrean langileriarentzat askoz gehiago garestituz eta defizit publikoari dagokion gunean espediente garbiarekin pasatuz baina behin ere, langileriari eta ikasleriari krisi ekonomiko kapitalistaren ondorioen pisua pasatuz behin ere, balore sozialez ulertzen ez duena, etekin eta errendimendu ekonomikoaz baizik.
Horrela, Foru Aldundiak behin ere bere Bizkaiko garraio publiko baten aldeko apustu exkaxa eta garraio iraunkor eta berdintzaile bat bermatzeko interes falta erakusten du, behin ere klase sozialen arteko ezberdintasuna handituz eta kapitalaren aldeko kudeaketa baten alde egiten duela erakutsiz, autobusaren salneurriak igo eta era berean Sozietateen Gaineko Zergaren erreforma bat onartu egiten baitute enpresariei ehunka milioi euro oparituz, garraio publikoetan diru falta dagoela salatzen duten bitartean.
Bizkaiko Gazte Komunistek praktika hauek sutsu kondenatu eta salatzen ditugu, klase herrikoi eta langilea laguntzeaz urrun, horren oinarrizkoa den zerbitzu bat garestitzen baitute eta Bizkaiko erakundeei, honen aurrean, neurri sozialak hartzea exijitzen diegu, hala nola, salneurriei eustea berez egoera txarrean eta krisiaren aurpegirik basatiena (langabezia, beharrezko produktuen jasan ezineko inflazioa, erregaien igoera…) pairatzen dauden familia ekonomiak laguntzeko helburuz. Igoera honek, hortaz, ez ditu bat ere lagunduko, baizik eta haien egoera txarra areagotu.
EAJ krisi ekonomikoan murgilduta ere garraiobide publikoen salneurria igotzen du langileriaren poltsikoa eraso eginez. Bizkaiko Gazte Komunistek Foru Aldundiak martxan jarritako salneurri igoera salatzen dugu. Izan ere, bost zentimo igoko da 1,2,3 eta 4 zonaldeetan zehar bidaiatzea eta hamar zentimo gehiago 5etik. Horrela, hiriburutik urrunago dauden herrietatik bidaiatzea garestiago izango da, egunero bidaiatzen den langileria eta ikasleria kaltetuenak izanik. Bizkaiko Foru Aldundiak, bestalde, igoeraren arrazoia inflazioari leporatu dio, baina hala ere, aurtengo zenbakiak altuak badira ere, krisi ekonomikoa dela eta hurrengo urteetan gehiago igoko da lurralde historikoko exekutiboaren helburua argi utzita: Krisia langile eta ikasleek ordaindu dezatela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun