Kontroletan ziklomotorraren edo motozikletaren agiriak aztertuko dira eta baita isilgailuak homologatuta daudenetz. Irregulartasunen bat egotekotan ibilgailuaren gidariari IAT pasatzeko eskatzen diote. Hiru urtero beharrezkoa den azterketa hori eginda ez badago zirkulazio baimena kenduko diote gidariari, Trafikoko Zuzendaritzara bidali eta jabeari 10 eguneko epea emango diote IAT pasatzeko. Hori egin denaren egiaztagiriarekin Trafikoko Zuzendaritzak zirkulazio baimena itzuliko dio.
Ihes hodiak egoki ez daudenean edo homologatuta ez daudenean Udaltzaingoak zigor garrantzitsuak ipintzen ditu eta horri sarritan gertatzen da. Zarata kontrolatzeko kanpainaren amaiera data momentuz ez dago zehaztuta.
Getxoko Udalak ziklomotorren eta motozikleten zarata kontrolatzeko kanpaina jarri du martxan. Kontrolak herritarren kexa gehienak izan diren tokietan egingo dituzte arratsaldeetan. Gainera, datorren irailaren 22an, astelehenean, Autorik Gabeko Egunaren ospakizuna izango dela eta, oinezkoentzako guneetatik hurbil kontrol bereziak egingo dituzte herritarrak kontzientziatzeko. Udaltzaingoak gogoratu du auzokideen kexak eta kontrol eskaerak, oso ugariak ez izan arren, urte osoan zehar izaten direla. Ildo horretan Imanol Landa Getxoko alkateak adierazi du zigorrak falta barik ezarriko dituztela. “Zaraten igorpenari lotutako legea betetzen ez dutenek jakin behar dute araudian ezarritako zigorrak falta barik ipiniko ditugula. Ezin da onartu auzokideen ongizatea beren erosotasunaren menpe jartzea” zehaztu du Landak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun