Uribe Kostako sei blogari, gutxienez, izango dira bihar, larunbata, Gasteizko Legebiltzarrean goizeko 10etatik 13:30era ospatuko den Politika 2.0 inguruko politikari eta blogarien topaketan. Han izango dira, besteak beste, Blogosfera Jeltzaleko partaideak diren Aitor Uriarte eta Mikel Agirregabiria algortarrak eta Ricardo Ibarra sopeloztarra; Idoia Mendia PSE-EEko Barrikako zinegotzia eta Gazteizko legebiltzarkidea; Gorka Espiau Konpondu.net-ez arduratzen den algortarra; eta Juan Carlos Perez Getxoko EA inguruko blogaria. Guztira, 43 blogari izango dira, Izaskun Bilbao Legebiltzarreko presidenteak eta Rafa Larreina Mahaiko kidea eta blogari ezagunak hartuko dituztenak. Topaketetan politika parte hartzaileari buruz eta Internetek bide horretan eman ditzakeen aukerak hausnartu nahi dituzte. Agirregabiria eta Ibarra hitzaldi bana emango dute, saioa gehien bat espainieraz izango da eta Twitter-ren bidez jarraitu ahal izango da. Argazkian, Mikel Agirregabiria ordenagailuan islatua / (cc) Mikel Agirregabiria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun