Abesbatzak polifoniako egilerik garrantzitsuenen musika abesten du: antzinakoa edo klasikoa, erlijiosoa edo profanoa, edozein arotakoa. Gainera, herrialde ezberdinetako piezak abesten ditu: musika garaikidea eta habanerak, euren herrialdeko konposizioak eta euren konposizio egilearen piezak.
Gaur egun 30 ahots daude abesbatzan: lehen tenoreak, bigarren tenoreak, baritonoak, baxuak, lehen sopranoak, bigarren sopranoak, mezzosopranoak eta kontraltoak.
Itsas Azoka eta argazki erakusketa
Musikaz gain, aurten publikoak "Getxo eta itsasoa" argazki erakusketaz gozatzeko aukera du Habanera Jaialdian. Erakusketa jaialdiko esparruan kokatu da eta bertan, itsasoari lotutako zenbait argazki egongo dira ikusgai. Halaber, beste nobedade bat egongo da aurtengo jaialdian: Itsas Azoka, hain zuzen ere. Besteak beste, azokan itsaskiak, bakailaoa, kontserbak eta oroigarriak erosi ahal izango dira Areetako Xake plazan igandera arte. Azokaren ordutegia honako hau da: 11:00etatik 14:30era eta 18:00etatik 22:00etara. Igandean goizeko ordutegian baino ez da zabalduko.
Getxoko XXII. Habanera Jaialdiari amaiera emango dio gaur, larunbatarekin, Brisas Do Mar de Corme taldeak. Galiziako taldearen saioa iluntzeko 20:00etan hasiko da Areetako Xake plazan, eta bertan tradiziozko abestiak eskainiko dizkio publikoari. Ohi bezala, sarrera doakoa da. Baina, galiziarrak joanda ere, igande goizean oraindik Itsas Azokaz gozatzeko aukera izango da. Brisas Do Mar de Corme taldea 1993. urtean jaio zen eta 28 emakume ahotsekin hasi zen bere jarduera. Festa do Percebe do Rotundo ospakizunena eman zuten lehenbiziko kontzertua. Gero, gizonezkoen 13 ahots sartu ziren taldeak. Horrela, abesbatza talde polifoniko misto bihurtu zen. Gaur egun bi zuzendari dauzka taldeak: Xesus Mendez Torrado eta Ramon Saleta Neira. Haietako lehenak gainera organoa jotzen du eta taldeko konpositorea da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun