UGTrentzat alkateak ez du "begirune txikienik ere izan" teknikariarekin eta epaiaren "erantzule bakartzat jo" du. Horren harira Getxoko Udaleko UGTko Atal Sindikalak gogoratu du udal idazkaria lanpostuen zerrenda onartu zen Udalbatzan izan zela eta ez zuela lege eragozpenik jarri. Horregatik, galdetu du zergatik ez zaio Etxebarriari epaiaren inguruko ardurarik eskatu. Era berean, Pertsonaleko arduraduna legez kanpoko egoeran zegoela 2007ko apirilaren 27an Udalari jakinarazi ziola nabarmendu du UGTk. Baina, Udalak erantzunik eman ez eta epaitegietara jo behar izan duela gogoratu du UGTk. Orduan ere, legea aplikatu ez izana leporatu dio udal idazkariari sindikatuak.
Bestalde, PP eta PSE-EE epaitegietan duten hainbat errekurtsoetan irabaziz gero Etxebarria kaleratuko duen galdetu du UGTk. Izan ere, alderdi horiek Udalbatzan onartutako hainbat gai indarrean jarri ez izana salatu dute. Besteak beste, Arau Organikoa eta Arautegi Fiskalen Aldatzea. Kasu horietan, Etxebarriak gaiei buruzko txostenak egin zituela eta hortaz "zinegotzien oinarrizko eskubideak urratzean" ardura lukeela gogoratu du UGTk.
Getxoko udal idazkariaren jarduera kritikatu du UGTk
2008ko ira. 15a, 13:38
Getxoko Udalbatzak 2004an onartu zituen lanpostuen zerrenda bertan behera utzi zuen, pasa den ekainaren 30ean, Araba, Bizkaia eta Gipuzkoako Epaitegi Nagusiak. Legeei lotzen ez zitzaielakoan UGTk udal aginduaren aurka jarritako errekurtsoari arrazoia eman zion horrela epaitegiak. Horren harira eta epaia argitaratu denetik Udalak hartutako erabakiengatik aipatutako sindikatuak afera honetan Udalbatzak, Imanol Landa alkateak eta, batez ere, Inazio Etxebarria udal idazkariak izandako jarrera eta erantzukizuna salatu ditu. Izan ere, Getxoko udal lanpostuen zerrendak sortutako eraginak bertan behera gelditu behar izan dira epaiaren arabera eta, gainera, UGTk salatu duenez, pasa den uztailaren 31n Imanol Landa alkateak sinatutako dekretua dela medio Pertsonala, Antolakuntza eta Informatika Arloko arduraduna, Pilar Goitiaren izendapena baliorik gabe utzi zuen Udalak, EAEko Epaitegi Nagusiaren epaian oinarrituz eta arloak buruzagitza tekniko berri bat behar duela esanez. Argazkian, Getxoko Udalbatza.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun