Alkateak gogoratu duenez, "esan bezala, aldaketa horren tramitatzea ezarritako epeen arabera egiten ari da. Epe horiek 2008ko hasieran adostutako hasierako onarpenarekin jarri ziren martxan”.
Hala ere, alkatea pozik agertu da egitasmoaren aurrean Arrue popularrak agertutako kezkagatik “hilabete honetan bertan, bere aldeko botoekin, HAPOren aipatutako behin betiko aldaketa ahalbideratu ahal izango duelako, era horretan proiektua bultzatzen lagunduz”.
Gobernu Taldeak irailaren amaieran izango den Getxoko Udalbatzara Begoña jauregiko hotel berriaren lanen baimena bideratzeko aurretik behar den HAPOren behin betiko aldaketarako proposamena eramango du. Imanol Landa Getxoko alkateak nabarmendu duenez, “egitasmoa aldatzeko tramitatze denbora mota honetako prozedurek behar dituzten epeei egokitzen ari da, batez ere prisarik gabe baina gelditu gabe ere, hain zuzen ere bultzatzen ari garen proiektu baten errealitatearen testuinguruaren barruan, udalerrirako duen konplexutasunagatik eta garrantziagatik”. Landak Marisa Arrue PPren zerrendaburuak egindako adierazpenen aurrean bere harridura agertu du, “bozeramale popularrak ondo baino hobeto dakielako hotelaren lanak hasteko hirigintzako baimena ematea beharrezkoa dela eta baimen hori eman ahal izateko ezinbestekoa dela HAPO aldatzeko prozedura amaitu behar dela".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun