Jada, Javier Otxoak lortutako urrezkoa eta zilarrezkoa barne, hamar dira euskal kirolariek lortutako dominak. Aurretik, Yolanda Martinek eta Santiago Pesquerak zilar bana eskuratu zuten neska-mutilen bikotezko Boccia proban eta Richard Oribek lau domina eskuratu ditu. Estilo libreko 200 metroko igeriketa proban txapeldun gelditu zen Oribe eta, gainera, 50 metroetako, 100 metroetako eta errelebotako 4x50 metroko kategorietan zilarra eskuratu zuen. Igeriketan ere Sara Carracelas oreretarrak brontzea erdietsi du 50 metroetako bizkar estiloan. Azkenik Sandra Gomezek bular estioloko 100 metroetan zilarra eskuratu zuen.
Guztira, 16 euskal herritar izan dira Pekingo Paraolinpiar Jokoetan lehiatzen. Javier Otxoaz gain, txirrindularitzan ibili da Aitor Oroza bilbotarra, Amador Granado gipuzkoarra eta Victor Hugo Garrido venezuelarra, aspaldi Bilbon bizi eta Erandion oso ezaguna dena. Igeriketan, berriz, Eztitxu Vivanco arrangoiztarra, Arkaitz Garcia gipuzkoarra, Sandra Gomez nafarra, Sara Carracelas oreretarra, Ana Rubio irundarra eta Richard Oribe donostiarrak osatu dute euskal flota. Bestalde, Yolanda Martin gipuzkoarra eta Santiago Pesquera nafarra Boccian jardun dute. Judoari dagokionez, Sheila Hernandez santurtziarra eta Laura Garcia iruindarra izan dira euskal ordezkariak. Atletismoan euskal herritar bakarra ibili da Pekin, Javier Conde bilbotarra, alegia. Bestalde, aspaldi Madrilen bizi bada ere, Jose Fernando Garcia bizkaitarrak ere lortu zuen Pekinen egotea, goalball kirolean. Azkenik, Juan Manuel Uruñuela arabarra saskibaloi partidetan arbitro izan da.
Bigarren domina irabazi du Pekinen Javier Otxoak
2008ko ira. 16a, 23:51
Javier Otxoa txirrindulari berangoztarrak zilarrezko domina lortu zuen larunbatean Pekingo Paralinpiar Jokoetan errepideko proban. Otxoa Darren Kenny britainarra den bere areriorik nagusienaren aurrean galdu egin zuen LC3-4/CP 3 mailan. 60,5 kilometro zirkuituan biak ihes eginda zeudela eta helmugarako bi kilometroaren faltan Otxoak eraso egin zuen, Kenny esprintean nagusituko zelakoan. Baina britainiarrak harrapatu eta nagusitu zitzaion helmugan. Dena den, "oso pozik" agertu da Otxoa irabazitako zilarrezko domina. Pekinen lortutako bigarrena da, errepideko erlojupean urrezko domina eskuratu baitzuen, Darren Kennyren aurretik geldituz. Bestalde, dagoeneko zortzi dira euskal kirolariek lortutako dominak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun