Getxoko PPk "beharrezkotzat" jo du Getxo-Aireportua autobus linea, "getxoztar askoren lan profilagatik eta aireportuak koste txikiko konpainiei esker azken urteotan izan duen hazkundeagatik". Onartzen dute Bizkaiko Foru Aldundiaren eskuduntza dela ibilbidea eta maiztasuna onartzea, baina dagoeneko lau geldiune gomendatu dituzte: Algorta, Neguri, Areeta eta Leioa. Horrek "getxoztarrak poztu eta egunerokotasuna errazagoa egingo die", Arrueren iritziz.
Bizkaibus
UKBERRI.NETek Marisa Arruek egindako eskaera errealitatetik zein gertu dagoen egiaztatzen saiatu da Bizkaibusek eskaintzen dituen zerbitzuak aztertuz. Bizkaiko Foru Aldundiaren garraio zerbitzu horren webgunean ikus daitekeenez, egun, Areetatik Loiura bidaiatu daiteke autobusez, orduro Barria kaletik irteten den A2151 lineako autobusean, Areeta eta Larrabetzu arteko zerbitzua ematen duena. Aipatu garraio publikoak hiru geldiune egiten ditu Loiun baina ez da zuzenean aireportuan gelditzen, nahiz eta urrun ere ez dagoen.
Bestalde, A3247 Bilbo eta Loiuko aireportua lotzen dituen lineak 20 minuturoko maiztasuna dauka eta Moyuan ezezik San Mames metro geltoki ondoan dagoen Termibusen, Kale Nagusian eta Errekaldeko zumarkalean har daiteke. Dena den, zaila ematen du Bidezabaletik San Mamesera joan (23 minutu) eta A3247 autobusa hartuta aireportura (15 bat minutu, trafikoaren arabera) heltzen ordu eta erdi ematea, Arruek esan duenez, itxaroten egon beharreko tarteak barne (askoz jota, 10 minutu metroan eta 20 minutu Termibusen).
Getxoko PPk udalerria Loiuko aireportua lotuko duen autobus linea bat ezartzea eskatu du. Marisa Arrue bozeramailearen arabera, aldarrikapen hori "auzokideen eskaera garrantzitsua" da eta irailaren 26an egingo den Udalbatzara mozio baten bidez eramango duela iragarri du. Popularraren iritziz, "asko dira egunero abioia hartzera edo Loiun lurra hartzen duen lagun edo senideren bat batzera aireportura joan behar diren getxoztarrak". Arruek ez du inolako daturik eskaini egindako baieztapenaz. Egun Loiura hurbiltzeko garraioez kexu agertu da Arrue: "norberaren autoan, taxiz edo Moyuara metroz joan eta bertan autobusa hartuz baino ezin da aireportura joan". Gainera, metro eta autobusaren bidaia luzeegia da popularrarentzat "ordu eta erdiz, gutxienez, handitzen du bidaialdia".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun