Bera Beraren kontra jokatuko du ligako lehenengo partida igandean Getxo Rugbyk
2008ko ira. 18a, 19:45
Leioako Artea merkataritza gunean aurkeztu zituzten (argazkian), atzo arratsaldean, Euskadiko Ligako Ohorezko Mailan arituko diren Getxo Rugby taldeko jokalari eta entrenatzaileak. Aurtengo berritasunen artean, Javichin Diaz Paternain "Jabitxin" aski ezagunak eta Jose Luis Martinez "Karra" beteranoak beteko dute Asier Basterretxeak urte betez egindako lana, taldea zuzenduz. Imanol Landa alkateak parte hartu zuen ekitaldian, aurtengo jokalari berrien izenak ere ezagutzera eman zituzten: Rodrigo Nieto eta Carlos Alejandro Elder argentinarrak eta Lee Williams galesa fitxatu dituzte, hurrenez hurren. Agustin Martinez "Tintxu" klubeko presidenteak adierazi zuenez, "gutxienez, iazko emaitzak berdintzen" ahaleginduko dira. Aurreko denboraldian, bosgarren postua erdietsi zuen Getxo Rugbyk eta kopako finalerdietara ere heldu zen. Gauzak horrela, igande honetan, irailak 21, izango dute euren maila frogatzeko aukera getxoztarrek; 12:00etatik aurrera, Donostiako Anoeta kiroldegian, Bera Beraren aurka jokatuko duten norgehiagokan. Argazki gehiago hemen ikus daitezke.Jokalari guztien izenean, David Hernandez ere baikor azaldu zen atzoko aurkezpenean. "Badakigu urte zaila izango dela, baina lehian izango garela uste dugu", adierazi zuen hirugarren lerroan jokatzen duen mutilak. Javichin Diaz Paternainek, ordea, aurten Ohorezko Mailan emango den "lehiakortasun handiaz" ohartarazi zuen. Hala ere, "orain arte jokalariekin lan egiteko denbora gutxi eduki arren, gauzak ondo egiteko taldea egon badago", entrenatzailearen hitzetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun