![](berrirudi/oporretako-zirkulazio-operazioa.jpg)
Portugaleteko bi agure ospitaleratu behar izan dituzte arratsaldean, Erandion izandako auto istrupu baten ondorioz. Ezbeharra Avanzadaren paraleloa den Bi-738 errepidean jazo da, 16.30ak aldera. Ordu horretan agureak bidaiatzen zuten Citroen Xsara markako autoa irauli egin da
Herrizaingo Sailak jakinarazi duenez. Ondoren, suhiltzaileek esku hartu behar izan dute zaurietako bat auto batetik atera ahal izateko. Geroago, 73 eta 71 urteko bi agureak anbulantziaz eraman dituzte Gurutzetako ospitalera. Ordutik aurrera auto ilarak sortu dira errepide horretan zein Avanzadan (Bi-637), Getxoko norabidean. Bestalde, beste bost zauritu izan dira Bizkaian gaur jazotako beste bi auto istripuetan. Loiu eta Derio arteko errepidean motorista bat irten da zauriturik eta Larrabetzun lau pertsonek arin zauritu dira lau autoen arteko talka baten ondorioz.