Eguna 10:00etan hasiko da, Angeluko Hardoytarrak esku-pilota eskolak antolatutako pilota partidekin. Etxekoek Getxoko Esku Pilota eskolakoen aurka jardungo dute. Fadurako Igeriketa Klubeko gazteenak, berriz, Angeluko Igeriketa Olinpikoaren aurka jardungo dute. Era berean, Getxo Rugbyko beteranoek angeluar taldearen aurkako norgehiagoka egingo dute 11:00etatik aurrera, Stade Girouettes joko-eremuan. Arratsaldez, lehiaketak 16:00etan hasiko dira berriro. Getxo Surf Taldeko kideak Angeluko surflariekin arituko dira “plage du club” hondartzan.
16:00etan, zesta punta izango da Angeluko Euskal Jaiko protagonista. 17:00etatik aurrera, Angeluko “La barre”n beteranoen estropada, Angeluarrak eta Itxartu Dantza Taldea dantza taldeen erakustaldia, eta herri bietako herri kirolen elkarteko kideen eskutik indar jokoen erakustaldia izango da.
Senidetze eguna “Salle Saint Jean”en bukatuko da, sari banaketarekin (19:00) eta despedida afariarekin (19:30).
Getxo eta Angeluren arteko adiskidetasuna ospatuko dute bihar Lapurdin
2008ko ira. 19a, 23:43
Getxo eta Angelu udalerrietako 300 bat kirolarik parte hartuko dute bihar, larunbata, bi udalerriak senidetu ziren bosgarren urteurrena ospatzeko asmoz Angelun prestatu diren kirol lehiaketetan. Izan ere, jolas eta kirol ekimena ospatuko da, 2003. urtean Angeluk eta Getxok sinatutako adiskidetasun akordioaren barruan garatua. Hitzarmenaren helburua bi herrietako bizilagunen arteko ezagupena eta harremanak bultzatzea da, kirolaren bitartez. Keltse Eiguren Getxoko Udaleko Udalburutzako zinegotziak (argazkian, artxibo irudi batean) esan duenez, “azken bi urteetako topaketa arrakastatsuak errepikatu gura ditugu. Lehenengoa Angelun izan zen eta bigarrena Getxon. Gainera, ezaugarri oso antzekoak dituzten bi herri hauek elkar ezagutzea bultzatu nahi dugu. Biak Euskal Herriko kostaldean daude, bizi-kalitate handia dute, eta turismoa sustatzeko joera garrantzitsua daukate”.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun