Bi atentatu izan dira gauean, Gasteizen eta Ondarroan
2008ko ira. 21a, 13:28
Bi atentatu izan dira bart Euskal Herrian. Alde batetik, gauerdian 82 kilo lehergailu ei zuen bonba-auto batek eztanda egin du Gasteizko Vital Kutxako egoitzaren aurrean, zauriturik eragin gabe. Aurretik, 23:15ak aldera, ETAren izenean hitz egiten zuela zioen pertsona batek lehergailuaren berri eman zion Gasteizko Udaltzaingoari, telefonoz. Beste aldetik, goizeko 4:30ean beste bonba-auto batek leherrarazi dute Ondarroako ertzain-etxearen ondoan. Bertan, hiru ertzain eta beste lau pertsona zauritu ditu eztandak, Herrizaingo Sailak nabarmendutakoaren arabera, aurre abisurik ez delako egon. Ertzainetariko bati ebakuntza egingo diote atzamar batean baina beste guztiak zauri arinak izan dituzte. Argazkian, maiatzaren 19an Areetako Abrako Itsas Erret Klubaren aurka egindako atentatuaren ostean, hainbat ertzain eremua ikuskatzen.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun