Pirineoetarako irteera egingo du datorren asteburuan Munarrikolanda Mendi Taldeak
Sopelako Munarrikolanda mendi taldeak Pirineoetara ohiko irteera antolatu du irailaren 27a eta 28ko astebururako. Larunbatean, hasteko, Atxerito (2.358 metro) igoko dute. Bertako ibilbidea Guarrinza haranetik hasiko da (Oza Oihana) eta mendiaren hegoaldetik egingo dute. Handik Lintza aterpera jaitsiko dira afaldu eta lo egiteko. Igandean, berriz, Hiru Erregeen Mahia igoko dute, ohiko bidetik. Autobusa, larunbatean goizeko 6:00etan abiatuko da Sopelako Pedro deuna elizaren ondoan dagoen geltokitik. Algortatik hamar minutu beranduago igaroko da, Getxo IiInstitutu ondoan dagoen Zubiletako autobus geltokitik. Bidaia osoak 65 euro balio du bazkideentzat eta 70 euro bazkide ez direnentzat, bi kasuetan garraioa eta mantenu erdiko erregimena barne direla. Argazkian, Munarrikolandako mendizaleek igaz Autzara (Nafarroa) egindako irteera.
Interesatuta daudenek txangoaren xehetasun eta baldintza guztiak 696 731 662 telefonora deituz galdetu ditzakete. Izen emateak ostegunean, hilak 25, egin daitezke 20:00etatik 21:30era. Taldearen webgunea www.munarri.com da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun