Larunbatetik iganderako gauean bi zartarazi zituzten: lehena Gasteizen Vital Kutxaren egoitzaren aurka, eta inor zauritu ez bazen ere, kalte material handiak eragin zituen. Bigarrena, goizeko lau eta erdiak aldera, Ondarroako (Bizkaia) Ertzaintzaren polizia etxearen kontra. Bigarren horretan ez zuten abisurik eman, eta hamar lagun zauritu ziren. Horietatik bik jarraitzen dute erietxeetan, pronostiko erreserbatua duen ertzain batek eta traumatismoak dituelako ebakuntza egin behar izan dioten 15 urteko neska gazte batek.
Militar bat hil du Santoñan jarritako bonba-autoak
2008ko ira. 22a, 12:13
Goizeko ordubatak inguruan gertatu da leherketa Santoñan (Kantabria, Espainia), egoitza militarren baten kontra. Zehazki, Espainiako armadaren Virgen del Puerto akademia militarrari eraso dio, eta eztandaren ondorioz Luis Conde de la Cruz 46 urteko brigada hil da. Halaber, sei lagun zauritu dira: larri dagoen beste militar bat, eta atentatua gertatu denean inguruan zebiltzan bost herritar. Azken bost horiek zauri arinak dituzte. Aurretik, 00:24 inguruan, ETAren izenean ari zela esan duen lagun baten deia jaso dute DYAren Donostiako egoitzan. Deitzaileak atentatu asmoaren berri eman du, polizia iturrien arabera, "modu zehazgabean". Hain zuzen ere, Espainiako Polizia eta Udaltzaingoa egoitza militarraren ingurua hesitzen ari zirela gertatu da leherketa. Gasteiz eta Ondarroakoarekin batera, 24 ordutan leherrarazitako hirugarren bonba-autoa da Santoñakoa. Argazkian, maiatzaren 19an Areetako Abrako Itsas Erret Klubaren aurka egin zuten atentatua.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun