![](berrirudi/barajas-atentatua-getxo-2.jpg)
Gaur goizaldean, Santoñan (Kantabria, Espainia) Luis Conde de la Cruz brigadaren heriotza eragin duen atentatua eta azken 24 orduetan izandako beste biak gaitzesteko gaurko, irailak 22, Araba, Bizkaia eta Gipuzkoako udaletxeen aurrean elkarretaratzeak deitu ditu
Eudelek. Horiek 12:00etatik 12:15era egingo dira. Bestalde, "gure herriak jasaten duen indarkeriak eragindako heriotz bat" gertatzen den egunaren biharamunean kontzentrazioak egin ohi ditu
Bakearen Aldeko Koordinadorak. Eskualdean, Algortako Telletxe, Areetako Xake, Astrabuduako Josu Murueta, Erandioko Irailaren 23a eta Sopelako Udaletxe plazetan izaten dira, lehenengoa biak kenduta (19:30ean egingo dute), beste guztiak 20:00etan. Aurretik, goizez, Leioako Irlandesas ikastetxean (11:00), Barandiaran institutuan (11:15) eta Leioa eta Erandioko campusean (11:45) egin ohi dituzte kontzentrazioak. Argazkian, aurreko batean, kontzentrazio isila Getxoko udaletxe aurrean.