Aministiaren Aldeko Mugimenduaren oharra:
6 pertsona atxilotu dituzte goizaldean Behe Nafarroan
Gaur goizean behe nafarroan hasi den polizia operazio Parisen aginduz burutzen ari operazioa. Atxilotuetako batek 77 urte ditu eta bere osasun egoera oso delikatua da. Arratsaldeko 19:00etan elkarretaratzea burutuko da Larzabalgo biribilgunean atxiloketen aurka.
Informazioa:
Atxilotuak 6 dira guztira eta une honetan Donapaleu eta Garaziko polizi etxeetan aurkitzen dira. Kalez jantzitako poliziak joan dira atxilotuen etxeetara eta miaketarik egin gabe atxilotu dituzte.
Atxilotuetako 4 hauek dira:
Jean Marie Irigoien (Ibarlan)
Gerard Ihidoei (Uharte Garazin)
Alfred Uhart (Bunuze). 79 urte ditu
Arño Harispuru (Ibarlan)
Agindua Parisetik etorri dela adierazi dute eta gaizkile taldeko kide izatea egozten diote.
Atxilotuetako bat Arño Harispuru da, 77 urte ditu eta gure kezka adierazi nahi dugu aurrez ere osasun arazoak izan dituelako.
Momentuz hau da dugun informazioa.
Amnistiaren Aldeko Mugimenduaren salaketa:
Beste behin ere frantziar gobernuak errepresioaren aldeko apostu itsua egiten duela argi utzi du operazio honekin. Okupazio indarrek Euskal Herritarrak atxilotu eta espetxeratzen jarraitzen dute, gatazkaren izaera politikoa ukatuz eta konponbide demokratiko bati ateak itxiz.
Espainiar eta frantziar gobernuei bide errepresiboak alde batera uzteko eskatu nahi diegu eta herritarrei dei egiten diegu atxiloketa hauen aurrean mobilizatzeko.
Sei pertsona atxilotu dituzte goizaldean Behe Nafarroan, Askatu.org Amnistiaren Aldeko Mugimenduko webguneak jakinarazi duenez. Polizia operazio gaur goizean abiatu dute kalez jantzitako poliziek, Parisko epaitegien aginduz "gaizkile taldeko kide" izatea egotzita. Atxiloketak preso hartutakoen etxeetan burutu dira, oraingoz miaketarik ez dutela egin. Ibarlan, Jean Marie Irigoien eta 77 urteko Arño Harispuru auzapez ohia atxilotu dituzte; Uharte Garazin, Gerard Ihidoei eraman dute; eta Bunuzen 79 urteko Alfred Uhart hartu dute atxilo. Momentuz ez da zabaldu beste bi atxilotuak zeintzuk diren. Harispururen osasun egoera oso delikatua dela salatu dute senideek eta AAMk eta gerta dakiokeenaz kezkatuta ageri dira. Atxilotuak Donapaleu eta Garaziko Polizia etxeetan daude. Espainiako albiste-agentziek azken hilabetetean Ipar Euskal Herrian turismo guneen eta higiezin agentzien aurka izan diren erasoekin lotu dute operazioa. Horretaz gain, "euskal mugimendu abertzalearen finantzaketarekin" lotu ditu atxiloketak AFP agentzia frantsesak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun